Ich Nyclas der Aygner vnd mein Hausvrow^e vnd mit sampt vns alle vnserr Erben, Wir vergehen vnd Tv^en ku^ent offenleich an dem offen Prieff allen den die den Prief an Sehent, Lesent oderr Ho^ernt Lesen. die nv^e lebent oder her nach Chv^emfttig werdent. Daz wi^er mit wol verdachtem mu^et vnd nach Rat vnserr nachsten vnd pesten frewnt zu^e der zeit do wi^er ez mit Recht wol getu^en möchten, Recht vnd Redleich gechauft haben vnd vns auch verlichen ist zu Rechtem Erbrecht von dem Erwi^erdigen vnserm Lieben genedigen Herren Apt Vireichen zu^e Lambach vnd von dem Erwi^erdigen Conuent da selbs den Hoff in der Praytenaw^e genant gelegen in Widemspekcher pharr mit allen den Ern Rechten vnd nutzzen die zu^e dem vorgenanten Hoff geho^ernt versu^echt oder vnuersu^echt zu^e Holcz veld zu^e wismad zu^e wayd oder swie so daz genant ist, Also mit der weschayden, daz wir dem obgenanten vnserm genedigen Herren, vnd dem Gotzhaus zu^e Lambach, allew Jar Jerrichleich da von dyennen vnd raychen sullen an allez gevar vnd auch allez vercziechen an sand Michels Tag ain phunt alter wyenner phenning vnd ain fu^eder Rayff stang, die si mit i^erm Ho^eff wagenn selber Raychen vnd innemen schu^ellen alle die weillen, vnd si sew angeva^or auf dem vorgenanten Hoff vnd Gru^entten findent. vnd nicht mer in dem Jar vnuerzichen dez Erwi^erdigen Gotzhaus Rechten zu^e Lambach in allen sachen. Vnd wer aber daz getan, daz wi^er in den di^enst versa^ezzen vi^erzechen Tag, So sein wi^er in veruallen Sechczzich phenning alter wyenner mu^encz zu^e wandel vnd versiczzen wi^er in zwen vi^erczehen Teg, so sein wi^er aber veruallen Sechczzich phenning zu^e wandel, Vnd versa^ezzen wi^er in aber drey vi^erezehen Tage, So habent sich allez (!) vnserrew Rechten veruallen auf genad, Vnd sew habent auch vollen gewalt, sew oder i^er Amptlewt vns zu^e no^etten vnd zu^e phenten auf dem Egenanten Hof in der Praytenaw^e vnd i^ern obgenanten di^enst, vnd vmb dew wandel mit vnserm Gu^etleichen willen, Daz in die red also staet vnd v^enzeprochen weleib, dar vber Gib Jch obgenanter Nyclas der Aygner fu^er mich vnd für mein Hausv^erown vnd fu^er alle vnserr Erben in den offen Prief zu^e einem sichtigen wa^orn v^erchund versigelten mit meinem Anhangundem Jnsigel vnd dez zu^e einer pezzern vnd Gu^eten gezewgnu^ezz willen versigelt mit dez Erbern vesten Ritter Hern Hansen dez Chu^eczcho^ephs die zeit geweitiger Vogt zu^e Wels, vnd mit vnsers lieben O^echaims Chunrad dez freyn die czeit phleger zu^e Messenpach, mit i^er aller payder Anhangu^enden Jnsigeln, die si vns dürich vnserr vleizzigen pet willen an den offen prief gelekt habent vnd der sach vnd der Wandlung da mit gezewg sind, allez daz stat zu^e wehalten, daz vor an dem offen prief geschriben stet, mit vnsen trewn an allez gevar, in vnd i^ern Erben an schaden. Der prieff ist geben do man czalt von Christi gepu^erd Drewzehen Hu^endert Jar, vnd dar nach in dem Sechs vnd Sybenczgisten Jar an sand Johannes Tag Gocz Tauffer zu^e Svnbenten.

Source Fulltext: OÖUB 9 (Wien 1906) Nr. 69