Wir Virich von Gotes gnaden, Abpt ze Lambach, vnd der gancz Conuentt do selben. Wir veriechen offenbar mit dem gegenbu^ertigen brief, daz wir mit wolbedachtem mu^et Vnd mit veraindem rat, vnsern Hof dacz Zwisel den auzzern vnd div aeckcher, div emalen auz den zwain Ho^efen dacz Zwisel gezogen sind, mit allen den nutzen, div durch recht dar zu^e geho^erend, ze holtz, ze Veld, versuecht vnd vnuersu^oecht gelegen in Mekchenhofer pfarre, vorlichen vnd geben haben ze ainem rechten Eribrecht Stefphann dem mair dacz Zwisel, vnd seiner Hausvrown, vrown Otyligen, vnd allen iren Erben, vnd ir Nachchunft mit solicher beschaidenhait, daz man vns, vnd vnserm Gotzhaus Jerichleich do von dyenen sol, Sechczechen metzen chorns vnd Sechczechen meczen Habern, in vnsern Chasten, vnd dreizzig wienner phenning ze voytstewr an Sand Georigentag, vnd dreizzig wienner phenning ze weinfu^er, vnd Syben Schilling wienner phenning, an Sand Michelstag, vnd nicht mer, vnuerzygen vnsers Gotzhaus rechten. Daz in di red stett, goncz, vnd vnzebrochen beleib, dar vber geben wi^er in den offenn brief versigelten mit vnsern Anhangunden Jnsygeln. Daz geschehen ist nach Christo gepu^ert vber dreuezechen hundert iar. darnach in dem Sechs vnd Sybenczigisten Jar an sand Johanns tag ze Ostern.

Source Fulltext: OÖUB 9 (Wien 1906) S. 65-66