Ich Fridrich der Topler vnd mein hausvraw vraw Kathrey verriechen offenbar an disem Prief, daz wir mit vnser Erben willen vnd wart dem conuent des Gotshaws ze Lambach gegeben haben in div Oblay zechen phenning gelts alle iar an sand Michahels tag newer wienner Pfenning div man (in geben sol) von dem akcher an dem Revt bei der Eberseil vnd auch von dem Zehent auf dem akcher der auch zu dem selben akcher gehort, wer in inne hat (vnd) Daz in daz stet gantz vnd vnzebrochen beleib, dar vber geben wir dem erbern Convent disen Prief zu einem waren v^erchunde diser sache, versiegelten mit des Erbern herren jnsigel abpt Jansen der zu den selben zeiten herre vnd verweser ist gewesen des gotshaws ze Lambach vnd auch mit des Conventes anehangundem jnsigel. Der Prief ist gegeben do von christes, gepu^ert ergangen waren drevtzechenhvndert jar darnach in dem nevn vnd dreizzigisten jar an sand Gregorgen tag.

Source Fulltext: OÖUB 6 (Wien 1872) S. 642f., Nr. 86 (Anhang)