Heinricus dei gratia comes palatinus reni, dux Bawarie omnibus presentia inspecturis in perpetuum. Volentes eeclesiarum indempnitatibus omni sollicitudine prouidere, vt per temporalia, que metimus, per beneficia facta ecclesiis cum maiori securitate conscientie teneamus. Hinc est, quod inuitati sacra conuersatione et multa hospitalitate ecclesie Lambacensis omnes libertates priuilegiorum et instrumentorum Levpoldi et Friderici ducum austrie ac aliorum dicte ecclesie duximus conseruandas, ratificandas et confirmandas ita, ut nullum in omnibus iuribus suis dicta ecclesia dispendium paciatur, sed concessis a quibuscvmque antecessoribus nostris graciis personalibus sev predialibus pociatur et nostro tempore inconuulse, nec non emunitatibus, libertatibus, iuribus gaudeat pacifice dicta ecclesia nullum detrimenti sed augmentum in hiis diuina fauente clemencia sentiendo. Vt igitur in hiis omnis calumpniandi materia amputetur, presens dicte ecclesie instrvmentum tradimus nostri sigilli mvnimine Roboratum. Datum Hertzogenhalle anno domini Millesimo CC. LXXVI. II. kalendas januarii.

Source Fulltext: OÖUB 3 (Wien 1862) S. 456, Nr. 493