Bonifatius episcopus seruus seruorum Dei. Dilectis filiis Martino abbati et conventui monasterii in Chremsmunster ordinis sancti Benedicti Patauiensis diocesis salutem et apostolicam benedictionem. Exposcit nostre deuotionis sinceritas et religionis promeretur honestas, ut tam uos, quos speciali dilectione prosequimur, quam monasterium uestrum dignis honoribus attolamus. Hinc est, quod uos uestris in hac parte supplicationibus inclinati, ut tu fili abbas et successores tui abbates dicti monasterii, qui pro tempore fuerint, mitra baculo pastorali et aliis pontificalibus insigniis libere possitis uti nec non quod in dicto monasterio benedictionem solemnem post missarum vesperarum et matutinarum solemnia, dummodo in benedictione huiusmodi aliquis antistes uel sedis apostolice sedis legatus presens non fuerit, elargiri possitis, felicis recordationis Alexandri pape IIII predecessoris nostri, que incipit Abbates . . , et aliis quibuscunque constitutionibus apostolicis in contrarium editis nequaquam obstantibus, nobis et eisdem successoribus auetoritate apostolica de speciali gratia tenore presentium indulgemus. Nulli ergo omnino hominum liceat hanc paginam nostre concessionis infringere uel ei ausu temerario contraire. Siquis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum. Datum Rome apud sanctum Petrum V. Kalendas Februarii pontificatus nostri anno secundo.

Source Fulltext: OÖUB, S. 12-13