Wir Merten von gots gnaden abpt zu Chremsmunster veriehen vnd tun kunt offenlich an dem brieff allen den di in sehend oder horend lesen . daz wir willichlich vnd rechtlich verlihen haben vnsern vnd vnsers gotshaws Hof ze o^eblaren mit allen eren rechten vnd nutzen vnd dartzu gehoret o^ertolfen dem mayr zu mitter o^eblaren vnd seinem su^en ekcharten . nu^er allain zu iren taegen vnd vnuerchert beleiben sullen . denn alsa daz der vorgenant ortolf vnd sein sun ekchart vns vnd vnserm gotshaws allen di^enst der von dem vorgenanten hoff ze dienen ist, daz si den alle jar iaerlich zu rechter zeit allen dienn sulln vnuertzogenchlich alls vorher von alter chomen ist. Ging vns vnd vnserm gotshaws daran icht ab vnd daz der vorgenant Hoff nicht rechtlich pawt wurt sa haben wir vollen gewalt mit irem gütlichen willen vnsern Hoff ze lazzen vnd ze verleihen swem wir wellen der vns nucz vnd gu^et darczu ist, an all ir vnd der iren zu^e spru^ech vnd des zu einem sichtigen waren vrchund geben wi^er in den offen briff versigelt mit vnserm anhangundem insigel, Nach christi gepurd drewzehen hundert jar vnd darnach in dem sechs vnd sibenczkisten jar an aller heyligen tag.

Source Fulltext: OÖUB 9 (Wien 1906) S. 155-156