Nos Wernhardus dei gracia ecclesie Pataviensis episcopus tenore confitemur presencium, quod nos ad religionis observanciam et ad continue hospitalitatis honorem Chremsmunstrensi ecclesie ordinis sancti Benedicti nostre dyocesis intuitum consideracionis nostre favorabiliter dirigentes, quatenus ipsa impremissis virtutibus tanto possit salubrius et commodius exercitari, quanto eidem habundancius temporales suppetunt facultates. Et ut ipsa non dum innecessarriis edificiis consummata cooperacionis nostre presidio votive perfectionis sorciatur effectum. ecce eidem ecclesie in Chremsmunster ad instanciam dilecti in Christo fratris nostri friderici venerabilis abbatis ibidem parrochialem ecclesiam in Chemnaten nostre dyocesis, in qua ipsa ab antiquo jus obtinuit patronatus, damus et donamus ad perpetuos usus ipsius venerabilis capituli nostri consensu favorabili accedente ita tamen, quod abbas Chremsmunstrensis ecclesie, qui pro tempore fuerit, ad predictam ecelesiam in Chemnaten perpetuum vicarium nobis nostrisque successoribus debeat presentare. ad certam prebendam, quam nostre moderacioni et taxacioni reservamus, quama que sit odinare intendimus inquisitione diligenti prehabita, quod peream vicarius instituendus in ea valeat commode eidem ecclesie et plebi in spiritualibus deservire, hospitalitatem servare et quevis alia canonica onera supportare. In cujus rei testimonium presentes damus literas nostro et predicti capituli nostri sigillis ad perpetuam rei memoriam communitas. C. Datum et actum anno ab incarnacione domini M°CCC°. In die beati Laurencii martyris. Patavie in curia episcopali.

Source Fulltext: OÖUB 5 (Wien 1868) S. 597, Nr. I (Anhang)