In nomine domini. Ortolfus dei gratia Abbas et Conuentus in Chremsmůnster. Quoniam humane fragilitatis memoria labilis est et caduca, ea propter, ne rerum gestarum noticia facta in dierum longitudine duratura per obliuionem hominum posteris occasio litis fiant, perpetuis necessario debent confirmationibus et testimonijs roborari. Notum itaque facimus omnibus Christi fidelibus presentibus et futuris, quod nos communi consilio et consensu, congrua deliberacione preeunte Wernhardo de Haimpach, Wernhardo Hakchtevfel. Rudolfo Haekchelheimer, Hainrico Zaengel, Rudigero Cellerario culturam et procuracionem vinearum nostrarum aput Asschach cum uniuerso iure ad ipsas pertinente, quod vvlgari vocabulo Weingaeten appellatur, tam in agris quam in arijs iure perpetuo contulimus in hac forma; Quod ipsi predicti vinitores annuatim nobis et successoribus nostris de prefatis vineis et de ceteris appendicijs vnam vini carratam persoluant et ad hoc Officiali nostro de Pucchirchen, qualiscumque fuerit, dent annuatim etiam duas vrnas vini. Si vero pluuiarum carentia vel alia quecumque aeris inclementia totam candem prouinciam sic reddiderit infecundam, ut ibidem supra dictum vinum non valeant habere, aut si etiam prouincie qualiscumque defectus inciderit generalis, ipsi prememoratum vinum aut in Lintza aut in Anaso coemant et nobis ibidem assignent. Si autem aliquod ocstaculum sic acciderit, quod etiam vina de Austria non adducantur, ipsi sepe dictum vinum aput nos redimant, dantes nobis pro qualibet vrna XXX. denarios Wyennensis monete in festo beati Martini. Ad hec etiam ductoribus nostris eiusdem vini aput Asschach pernoctantibus alio quoque tempore nostris officialibus, cum propter ipsorum et ecclesie nostre ad eos pervenerint in expensis debent necessaria prouidere. Igitur quam diu promissa soluere non neglexerint et adimplere, non licet nobis aut successoribus nostris ipsos uel ipsorum successores in supra dicto iure eorum aliquatenus contra iusticiam ledere uel grauare. Quicumque vero de prenominatis hominibus aut etiam de eorum successoribus contra scienter venire temptauerit supra scriptam, et que promissa sunt, affectuose soluere neglexerit et adimplere, omni iure suo, quod a nobis collatum habuerat, sit priuatus et insuper quinque talentis denariorum Wiennensium monete nostre ecclesie teneatur, Hoc etiam adiecto, Quod si aliquis ipsorum facere temptauerit aut etiam voluntatem faciendi habuerit, censetur obligatus pena superius memorata. Vt autem huius facti memoria non posset instabilitatis vicio aliquo perturbari aut processu temporis venire in dubium et obliuionem, presens instrumentum Sigillorum nostrorum appensione et munimine consignatum, dignum duximus in testimonium confirmari ad maiorem cautionem testibus adnotatis: Chunradus Plebanus de Chemnaten, Hertwicus de Mulperch, Ernesto Chunradus de Asperg, Hainricus dens, Ernesto de Stain, Merboto de Oed, Chunradus Ro^et, Albero et Vlricus de Puchchirchen et alii quam plures.

Source Fulltext: OÖUB 3 (Wien 1862) S. 167-168, Nr. 170