Reverendis in Christo patribus et dnis. dei gratia dominis Patavien. Frising. Ratispon. Brixinen. Gurcen. Chiemsen. Seccovien. et Laventinensis Ecclesiarum Epis. nec non Venerabilibus et discretis viris vniversis et singulis Abbatibus, prioribus, prepositis, decanis, Scol. Thesaur. Cantoribus, Archydiaconis, Canonicis, perpetuis Vicariis, Capitulis, Collegiis et Conventibus - kathedralium et collegiatarum ecclesiarum, ac omnibus et singulis plebanis et viceplebanis, Rectoribus, vicerectoribus parrochialium ecclesiarum, nec non preceptoribus, provincialibus ministris, Prioribus, Cardianis, Termiariis et fratribus ordinum mendicantium et omnium quorumcunque et quibuscunque aliis beneficiatis curatis et non curatis, presbyteris, Clericis et notariis publicis et aliis personis ecclesiasticis per Salczburgens. Pataviens. Frisingensem, Brixinens. Gurcensem, Chiemens. Seccoviens. et Laventinens civit. dioc. constitutis, ad quos presentes nre. littere pervenerint, seu fuerint presentate, Wulfingus de Goldekk Cantor et Canonicus ac Vicarius in spiritualibus ecclesie nec non offïcialis Curie Salczburg. Salutem in Dno. Quia Stephanus Dux Bavarie post - tempus trewgarum, quas procuraverat et firmaverat ad certum tempus nondum elapsum duraturas inter Reverendissimum in Christo patrem et dnum. nostrum, dnum. Pilgrimum sancte Salczburg. ecclesie Archiepiscopum Apostol. sedis legatum et Fridericum eciam ducem Bavarie fratrem suum, confingens se medio tempore et durantibus trewgis et pactis predictis procurare et ordinare ac eciam facere firmari et perpetuam pacem et concordiam inter eos, sollicitaverat ac suis litteris et nunciis invitaverat et hortatus fuerat eundem dnum. archiepiscopum, vt pro huiusmodi pace et concordia tractanda et firmanda descenderet ad locum Monasterii in Raytenhaslach Ord. Cisterc. Salczb. diocesis tractaturus secum et fratre suo duce Friderico super premissis effectualiter consummandis, Ipseque dnus. Archiepiscopus ad suggestionem et invitacionem dicti ducis Stephani confisus specialiter de trewgis et pactis predictis, que nondum exspiraverant, et ignorans malum, quod futurum erat, statuto loco et die vna cum presbyteris, clericis, Baronibus, militibus et nonnullis castellanis et familiaribus suis ad dictum Stephanum Ducem confidenter accessit, et cum intrassent loqui et conferre de ordine dando et modo tenendo, per quos partes ipse ad pacem et concordiam huiusmodi poterant pervenire, supervenit ibidem cum magna multitudine hominum diversis armorum generibus armatorum prefatus Fridericus Dux‚cui idem dnus. Archiepus. Credens pacificum ingressum suum assurgens reverenter suscepit evndem, prefato domino Stephano se continuo absentante et recedente a loco. Post cuius recessum prefatus Fridericus Dux, nec non Georius de Baldekk, vicedominus inferioris Bavarie, Johannes de Abensperk, Ewerhardus Conradus et Hertnidus Chuchla^er, Ekchardus Tanna^er, Wïlhelmus Waldekker, N. puchpeck, N. Aphentaler, Oswaldus Layminger, Hohenwelsa^er, Tachenperger, Georius Oberhawser, N. Sewer, N. Stampfer, N. Eglinger, Ryedeldorffer, N. Seybatzdorffer, hofensteter et Erblinus Chuchla^er, Barones, milites et nobiles ducatus Bavarie longe tamen a nobilitate degenerantes et plures alii eorum - et fautores de mandato dicti Friderici Ducis et ad inductionem, suggestionem et consilium sceleratorum virorum Ortolfi Decani, Ekchardi de Tann, Ekchardi de pernekk et henrici Charlsperger pretendencium se Canonicos dicte Eccl. Salczburg. presencium et in faciem ipsius dni. Archiepi. existencium pronuncialiter et consenciencium dyabolo swadente in hoc nephandissimum genus sacrilegi prorumperunt, in dictum dnum. Archiepum., presbiteros. clericos, Barones, milites, Castellanos et familiares ipsius dni. Archiepi. manus iniecerunt temere violentas, eosque hostiliter invadentes more impiorum latronum et plagis gravissimis eciam ad magnam sangwinis effusionem afficientes percusserunt et infra dictum monasterium et eius cepta (septa) ceperunt, ac omnibus libris portalibus pecuniis et rebus aliis spoliatos captivos duxerunt ad oppidum in purchawsen dicte Salczburg. dyoc. et in ducatua Bavarie, ubi dictus Fridericus Dux suum tenet domicilium, Ipsosque carceribus dicti oppidi mancipaverunt, et detinuerunt prout detinent miserabiliter captivatos, Castellanosque sive Purgravios castrorum et municionum ipsius ecclesie Salczburg. eciam captos et detentos ad iurandum de resignandis ipsis castris et deinceps tenendis pro dicto friderico duce et eius - dictum Archiepum. ad consenciendum premissis et absolvendum dictos Castellanos a iuramento fîdelitatis sibi et ecclesie prefate coegerurit invitos in dei offensam, apostolice sedis contemptum, grave scandalum populi christiani ac lesionem et iniuriam tocius ordinis clericalis, tam excommunicacionum quam nihilitatum quarumcunque per constitucionem felicis recordacionis Clementis pape V. in concilio Wienn. editam et alias quascumque penas eciam per constituciones provinciales seu alias quaslibet taliter delinquentibus impositas '• illaqueandeisdem. In qua siquem constitucione clementina cavetur, si quis ceperit Pontificem aut dyabolica suggestione id fieri mandaverit, aut factum ab aliis ratum habuerit, aut socius fuerit in hiis faciendis, aut in hiis consilium (dederit aut favorem), aut scienter defensaverit detentores captivatores eosdem, ipso facto, non obstantibus constitucionibus quibuscunque, vinculo maioris excommunicacionis sit innodatus, a quo nisi per summum pontificem possit preter in mortis articulo absolvi, a feodis - officiis, beneficiis spiritualibus et temporalibus, que ab ecclesia, vbi sic offensus preest Epus., obtinet, cadat hoc ipso, ac ad eandem eciam libere revertantur, Ipsius filii per masculam descendentes lineam usque ad generacionem secundam - - sacionis adempta reddantur ipso facto inhabiles ad ecclesiastica beneficia in Civitatibus et dioc. quibus idem Epus. presidet, obtinenda, Terra quoque ipsius, dum tamen vltra vnam dyocesim non contineat, vsque ad condignam satisfactionem - locus aut loca, in quibus captus epus. detinebitur, quam diu detencio ipsa in eisdem duraverit, ecclesiastico subiaceat interdicto. Quod si terra eiusdem duas dyoces. vel vltra contineat, dioc. domicilii principalis ipsius et illa eciam, in qua - commissum, si sua sit et due alie, que sub ipso sunt eidem loco magis vicine interdicto subiaceant supradicto. Nos nichilominus penas predictas quoad interdictum ecclesiasticum sive cessacionem a divinis vltra loca in dicta constitucione expressata - eciam ad totam provinciam Salczburg. vigore et auctoritate statuti concilii provincialis, quod incipit: Statutum venerande memorie dni. Gwidonis, quondam tit. s. Laurencii etc. prorogantes et extendentes premissa cum monicione de qua cavetur - Supradicta omnia et singula vobis et cuilibet vestrum intimamus, insinuamus, notificamus et ad vestram et cuiuslibet vestrum communem et indubitatam noticiam deducimus et deduci volumus per presentes. Et quia eo maior erit ipsorum confusio, quo fuerit -– sua patencior, ideo vniuersitati vestre committimus et pena excommunicacionis, quam trina et canonica monicione premissa in hiis scriptis ferimus in rebelles, districte precipiendo mandamus, quatenus vos, quicunque vestrum super hoc fuerit requisitus ‚ predictoStephanum et Fridericum duces, Ortolfum Decanum, Ekhardum de Tann, Ekhardum de pernekk et hainricum Charlsperger, pretensos Canonicos, Georium Baldekker, Johannem de Abensperk, Ewerhardum, Conradum, hertnidum dictos Chuchler‚ Ekchardum Tanner, Wilhelmum Waldekker, N. puchpek, N. Apfentaler, Oswaldum layminger, N. hohenvelsa^er, Tachsperger, Georium Oberhawser, N. Sewer, Stampfer, N. Eglinger, Ryedelstorffer, N. Seybatsdorfer, N. hofensteter et Ewerlinum Chuchlar et alios sacrilegos nominatos in specie Ipsorumque in hac parte complices, fautores et receptores et defensantes eosdem et alios quoslibet culpabiles in premissis in genere, in - ecclesiis vestris et aliis locis opportunis omni die feriata et non feriata ac in sermonibus et aliis actibus publicis coram fideli populo nominatim publice expresse pulsatis campanis et candelis accensis et demum exstinctis et in terram proiectis - eterne excomunicatos publice nec non penas dicte constitucionis clementine, que incipit Si quis swadente dyabolo etc. ipso iure incidisse, et in specie dictas penas, prout superius describuntur wlgariter et intelligibiliter exponatis et nuncietis et exponi et nunciari faciatis. Et insuper terras dictorum sacrilegorum et loca et dyoc., de quibus in dicta Clementina fit mencio, pronuncietis et pronunciari faciatis ecclesiastico suppositas interdicto, Vosque et quilibet vestrum, qui ad hoc ex vi dicte constitucionis tenetur, Interdictum ipsum servetis et mandetis per alios inviolabiliter observari et nichilominus iuxta dictum statutum provinciale in singulis ecclesiis, Monasteriis et locis in et per totam provinciam Salczburg. cessetis et cessari faciatis a divinis. Alioquin (aliter) facientes et rebelles dicte excomunicacioni sine dicta trina et canonica monicione premissa subiacere volumus eo ipso, Vos vero, dnos. Epos., quibus ob vestre Pontificalis dignitatis reverenciam deferendum duximus in hac parte, dictis nostris sentenciis nolumus - ligare. Rogamus autem vos et hortamur attente Vobisque dnis. Archidyaconis, Archipresbyteris, Decanis et aliis habentibus iurisdictionem mandamus eciam sub penis predictis, quatenus hos nostros processus seu eorum transumpta sigillo autentico sigillata ad singulas vestrarum civitatum et dyoc. et Archidiaconatuum, Decanatuum et aliorum locorum ecclesias et Monasteria transmittentes aut transmitti facientes Ipsos ibidem publicetis et faciatis solempniter publicari. Quitquit autem - faciendum nobis per vestras patentes literas aut Instrumentum publicum harum seriem seu designacionem in se continentes seu continens nobis quantocius intimare curetis. In cuius rei testimonium presentes literas nostras fieri et sigilli vener ab. patris dm. Gregorii prepositi et Archid. ecclesie Salczb. predicte, cum proprio nostro sigillo careamus, ad presens iussimus appensione muniri. Datum Salczburge die vicesima tercia Mensis Decembris anno dni. Mill. Trecentesimo Octuagesimo septimo. Et ego Thomas dictus Eyffogl, Clericus Pataviens. dyoc. - die XIII. mens. Januarii M. CCCLXXXVIII - in domo - Ulrici de Panthofen, Can. eccl. Patav. et Archydiac. Matticensis etc.

Source Fulltext: ZEIBIG, Klosterneuburg (=FRA II/28, Wien 1868) S. 48-52