Wir Swester Christein die Wiczinn zu den zeiten Abtessinn vnd der Convent gemain des Geistleichen frown chlosters dacz sand Niclas vor Stubentor ze wienn vergehen - das wir - verchowft vnd geben haben zwai phunt wienner phenning Gelts purkrechts die wir gehabt haben auf zehen Jeuchen weingarten gelegen ze Ottachrinn auf des Starichants aigen, vnd dint ye das Jeuch zwen vnd fumfzig phenning - vmb fumfzehen phunt wienner phenning - dem erbern herren hern Petrein dem lenhofer, Chorherr vnd zu den zeiten obrister chelner des chlosters ze newnburkch, der die selben gu^elt gechowft hat zu dem liecht in demselben Gotshows Ewichleich da pey zu beleiben - Dar vber so geben wir - In den brief - versigilten mit vnser obgenanten swester Christein der Abtessinn vnd des Convents gemain des vorgenanten chlosters daz sand Niclas paiden angehangen Insigeln, der geben ist ze Wienn - drewzehen hundert iar, darnach in dem Siben vnd achzigistem Jar des nechsten Montags vor Ostern.

Source Fulltext: ZEIBIG, Klosterneuburg (=FRA II/28, Wien 1868) S. 44-45