ICH Swester Petronella Po^ekchlin Maistrin der Geistleichen Klosterfrawn dacz sand Jacobcze wien auf der hu^elben Sand Augustin Orden, vnd wir gemainkleich der gancz Conuent doselbs Empieten dem Erwirdigen Geistleichen herrn Iohannsen Brobst sand Georgen Goczhaws zu Herczogenburgkch auch sand Augustin orden vnd dem ganczen Conuent doselbs vnser anda^echtigs gepet vnd go^etleich lieb dew vns lernt vnd dar czu^e v^ebet, das ains dez andern joch sol tragen das wir dester halter erfüllen sew saczung Christi des herren vnd dew war sand Iacob der do spricht Ir su^elt fu^er einander pittn daz ir hailbertig werdt Nu haben wir vns mit veraintem willen darczu geben das wir euch noch ewer pegir vnd lieb dew Ir habbt zu vns vnd vnserm goczhaws mit wellen tailen den geistleichen schacz daz ist gemainschaft vnd tailhefftichait aller vnser gueten werchen ddie der alma^echtig got durch vns wu^erichund ist, es sey mit lesen petten vasten oder singen etc. vnd nemen euch vnd all ewr nachomen in vnser pruederschaft, vnd daz solt Ir wissen wann aws ewerm conuennt ain prueder oder mer abgennt mit dem tod vnd desselben nam in geschrift vns nach gewonhait anderer chloester zu^e bracht wirt so wellen wir desselben sel wann wir su^est vigili nicht phlichtig seinen ze lesen lesen ain Vigili Im Conuent vnd ain gemains selambt vnd nichts in der pesunder Vnd des fuerbas zu ainer waren vrchunt geben wir euch disen brief, Besiglt mit vnserr obgenanten der Maistrin vnd des Conuents baiden anhangenden insiglln vnd ist geschehen nach christi gepurd vierczehenhundert Iar vnd darnach in dem fu^emfczigisten Iar an eritag nach sand veitstag.

Source Fulltext: FAIGL, Herzogenburg (Wien 1886) S. 478-479