Ich Fridreich von Walsse vnd ich Hainreich von Walsse sein Pruder, bayd Hauptmann ze Drosendorff, Wir vergehen vnd Tun chunt allen den, die disen brief lesent oder horent lesen, die nv lebent vnd hernach chunftich sind, Daz wir mit vnser erben gutem willen vnd gunst, mit verdachtem mut zu der zeit, do wir ez wol getun mochten, Verchaufft haben vnsers rechten Chawfaygens Drewtzehen phund vnd dreitzehenthalben phenning wienner münzze geltes Gruntrechts mit stiften vnd mit sto^ern gelegen ze Paden vnd darvmbe, Zwelif phunt vnd fu^emftzehen phenning geltes auf bestifftem gut, vnd an drithalben phenning ayn phunt gelts auf vberlend vnd die zu den zeiten die Laewt davon dienent, die hernach an disem brief geschriben vnd benant stent. Dez ersten, auf der nidern Newstifft vier phunt sechs schilling vnd fümf vnd zwaintzig phenning gelts auf bestiftem gut, die dienent Elzpet die Sibenhaerlnin von einem Hof vnd von einer Setz weingarten drey schilling an sand Michels tag, Fridreich in der Grunechgazzen von einem Hof vnd von einer Setz drey schilling an sand Michelst tag, Chadolt von der Mul ein halb phunt an sand Jörigen tag vnd ein halb phunt an sand Michels tag. Wulfinch im Paumgarten von einem Hof vnd von einer setz ein halb phunt an sand Michels Tag, der Vosel in dem paumgarten von einem Hof vnd von einer Setz ein halb phunt an sand Michels tag, Leutold der Mutelpekch von einem Hof vnd von einer Setz dreizzich phenning an sand Michels tag vnd ein Hun ze vaschang, daz fu^emf phenning wert sei, Chunrat der Scherer von einem Hof vnd von einer setz drey vnd fu^emftzig phenning an sand Jo^erigen vnd drei vnd fu^emftzig phenning an sand Michels tag, Vlreich der Vidler von einem Hof vnd einer setz drei vnd fu^emftzig phenning an sand Jo^erigen tag vnd drei vnd fu^emftzig an sand Michels tag. Rudel der Padchnecht von einem Hof vnd von einer Setz drei vnd fu^emftzig phenning an sand Jo^erigen tag vnd drei vnd fu^emftzin an sand Michels tag. Chunrat der Rabenstainer von einem Hof vnd von einer Setz sechs vnd viertzig phenning an sand Michels tag, Ortel der dekcher von einem Hof vnd von einer Setz drei vnd fu^emftzig phenning an sand Jo^erigen tag vnd drei vnd fu^emftzig an sand Michels tag. Vnd auf der obern newstifft Sibentzehen schilling vnd acht vnd zwaintzig phenning gelts auf bestifften gut, die dienend Rudel von Vischa von einem halben Hof vnd setz siben vnd zwaintzig phenning an sand Jo^erigen tag und sechs vnd zwaintzig an sand Michels tag. Leubel der Schrinph von einem halben Hof vnd setz siben vnd zwaintzig phenning an sand Jo^erigen tag vnd sechs vnd zwaintzig an sand Michels tag. Christan an der Newstifft von einem halben Hof vnd setz siben vnd zwaintzig phenning an sand Jo^erigen tag vnd sechs vnd zwaintzig an sand Michels tag. Hainreich der Orl von einem Hof vnd von einem Hof vnd von einer setz drei vnd fümftzig phenning an sand Jo^erigen tag vnd drei vnd fu^emftzig an sand Michels tag, Peter der Pinter von einem Hof vnd von einer setz sibentzehen phenning an sand Jo^erigen tag vnd sibentzehen an sand Michels tag, die Weipotinn bei der pharr von einem Hof acht vnd zwaintzig phenning an sand Michels tag. Perichtold der sneider von einem Hof gelegen am Marcht drey schilling an sand Michels tag. Wo^elfel der Fleischhakcher von einem Hof vnd von einer Setz gelegen ze nachst Jansen im Winchel drei vnd fu^emftzig phenning an sand Jo^erigen tag vnd drei vnd fúmftzig an sand Michels tag, Larentz der Hutter von einem Hof fu^emftzehen phenning an sand Michels tag Vnd vier phunt vnd dreizzig phenning gelts gelegen im werd auf bestiftem gut, die dienent Stephan der Leutlinne sun, von einem halben Hof vnd setz sechtzig phenning an sand Michels tag, Nichlas der Plekchenzant von einem Hof vnd von einer Setz Sechtzig phenning an sand Michels tag. Thoman der Schustrinne sun von einem Hof vnd von einer setz sechtzig||
phenning an sand Jo^erigen tag vnd sechtzig phenning an sand Michels tag. Die Michelinne von einem Hof vnd von einer Setz sechtzig phenning an sand Jo^erigen tag vnd sechtzig phenning an sand Michels tag, Chnapp Vll von einem Hof vnd von einer Setz drey schilling an sand Michels tag. Der Haekchel von einem Hof vnd von einer Setz drey schilling an sand Michels tag. Meinhart der Tagstern von einem Hof vnd von einer Setz drey schilling an sand Michels tag, Chunrat der Pauschenmost von einem Hof vnd von einer setz drei schilling an sand Michels tag. Vlreich der Gutiar von einem Hof vnd von einer settz dreizzig phenning an sand Michels tag, Gulrab von einem Hof vnd von einer setz sechtzig phenning an sand Michels tag. Nichlas Hewndel von einem Hof vnd von einer setz sechtzig phenning an sand Michels tag. Vlreich Pauschenmost von einem Hof vnd von einer setz sechtzig phenning an sand Michels tag Vnd sechs schilling vnd zwen vnd zwaintzich phenning gelts auf bestiftem gut gelegen in der Gru^enechgazzen, die Swaeblinne von einem Hof vnd von einer settz sechtzig phenning an sand Michels tag, Dietreich der vaschanch von einem Hof vnd von einer settz fu^emftzig phenning an sand Michels tag, Symon der vragner von einem Hof gelegen an dem Marcht zwaintzig phenning an sand Michels tag, Vlreich der Raydel auf der vreyung von einem Hof vnd von einer setz zwelif phenning an sand Michels tag, Nichlas der Chlawber von einem Hof vnd von einer setz sechtzig phenning an sand Michels Tag. So leit das vorgenant phunt gelts an drithalben phenning auf weingärten an dem Griezze, daz man dient an sand Michels Tag, des ersten Göschel der Pienk acht phenning, Chunrat der Pehem an der Widem fu^emf phenning, Andre der Nepekch fümftzehen phenning, Nichlas der Prateinaentel vier phenning, Stephan der Sayler zehen phenning vnd fu^emff phenning fu^er ein vaschanghu^en, Chadolt der Müllner vier phenning, Lewpolt der Sayler fümf phenning, Geysel die Landawerinn zwelif phenning, der Goldner von Winthag siben vnd zwaintzig phenning, Nichlas vnser vrown Zechmaister drithalben vnd zwaintzig phenning vnd fümf phenning für ein vaschanghun, Andre in der gru^enachgazzen vier vnd zwaintzig phenning von einer setz gelegen daselbs in der Grünachgazzen, Nichlas von Rewntal fümf vnd viertzig phenning von einem weingarten gelegen an Padnerperg, haizzt der Zagel, Alber von Olacht fümf phenninge, Chunrat der Schreiner fümf phenning Friedrich der Müllner aus dem Wolftal zwen phenning, Jans im Winchel von einem weingarten, haizzt das Mitterl fümf phenning, vnd von einem weingarten, haizzt das Jüdel siben phenning vnd ligent bayd an dem Padnerperg, Jans von Prodestorff zwelif phenning, Margret von Drunmau fumf phenning für ein vaschanghun, Leutold der Mütelpekch fumf phenning für ein vaschanghun. Die vorgenanten drewtzehen phunt vnd drewtzehenthalben phenning wienner münzze gelts Gruntrechts auf den Gütern, als die vorbenant sint, haben wir recht vnd redleich verchaufft vnd geben Mit stifften vnd mit stören, mit allen den nutzen vnd rechten, als wir si in aygens gewer herpracht haben, vmb Dritthalb Hundert phunt wienner phenning, der wir gar vnd Gaentzleichen gewert sein, Dem erbern gaestleichen Herren Pruder Cholmann, zu den zeiten Abt vnd dem Conuent gemain dez Chlosters daz dem Heiligen Chraewtz vnd allen irn Nachchomen fürbas ledichleich vnd vreileich ze haben vnd allen iren frumen damit ze schaffen, verchauffen, versetzen vnd geben, wem si wellen an allen irresal. Vnd sein auch wir ich Fridreich vnd ich Hainreich die Prüder von Walsse vnd vnser erben vnuerschaidenleichen der vorgenanten Drewtzehen phunt vnd drewtzehenthalben phenning wienner munzze gelts der egenanten erbern erbern Gaestleichen herren gemain datz dem Heiligen Chraewtz vnd all irr Nachchomen Recht gewern vnd scherm für alle ansprach, als aygens recht ist vnd dez Landes recht ze O^esterreich. Waer aber, das si mit Recht an der egenanten Gült icht chrieges oder ansprach gewunnen, was Si dez schaden nement, das sullen wir In alles ausrichten vnd widerchern an allen iren schaden. Vnd sullen auch Si daz haben auf vns vnuerschaidenleichen vnd auf allem vnserm Gut, das wir haben in dem Lande ze O^esterreich, oder wo wir es haben, wie so das genant ist, wir sein lebentich oder tode. Vnd daz diser Chauff fürbas also staet vnd vnzerbrochen beleibe, Dar vber so geben wir obgenant zwen Prüder ich Fridreich vnd ich Hainreich von Walsse den egenanten erbern gaestleichen herren gemain datz dem Heiligen Chraewtz vnd iren Nachchomen disen brief, zu einem waren vrchunde vnd zu einer ewigen vestnung diser sache versigilten mit vnsern Insigiln vnd mit vnsers vettern insigil herrn Hainreichs von Walsse, auch hauptman ze Drosendorff vnd mit herrn Wolfgangs insigil von Winnden vnd mit vnsers dyener Insigil, Hainreichs von Chürnbach, die ditzs Chauffs vnd dieser sache gezewg sint mit iren Insigiln. Der brief ist geben ze Wienne nach Christes geburd drewtzehen Hundert iar darnach in dem Sechtzigisten iar, dez nachsten Sambstags vor sand Symons vnd sand Judas Tag, der Heiligen zwelifboten.

Source Fulltext: WEIS, Heiligenkreuz (=FRA II/16, 1859) S. 255-259