Nos Karolus dei gracia Rex Hungarie significamus tenore presencium quibus expedit vniuersis, quod viri Religiosi, frater Johannes abbas et quidam fratres Monasterii sancte Crucis, Ordinis Cysterciensis de Austria patauiensis dyocesis dilecti nobis et fideles ad nostre maiestatis accedentes presenciam quasdam terras Vogelndorf et Potesdorf nominatas, asserentes, ipsas nostre collacioni pertinere pro salute anime nostre a nobis predicte ecclesie sancte Crucis dari et conferri humiliter pecierunt. Nos igitur considerantes, quod Regiam decet maiestatem, iustis petencium desideriis facilem prebere consensum in hiis precique, que divinis rebus, religionisque cultui uidentur esse proficua, quibus nos eo magis debitores credimus, quo bona omnia de ipsius Iargiflua beneuolencia cognoscimus percepisse, peticioni eorumdem domini abbatis et fratrum suorum grato occurrentes assenso ex deuocione, quam more aliorum. Regum Hungarie, progenitorum nostrorum deo deuotorum erga eandem ecclesiam sancte Crucis specialiter gerimus, predictas possessiones Vogelndorf et Potesdorf cum agris, pratis et piscatura sub antiquis metis et ter-minis eo iure, quo nostre Regie collacioni pertinere dinoscuntur, eidem ecclesie sancte Crucis in perpetuam elemosinam, ut eadem gloriosa crux in eterne retribucionis gremio nos clementer foueat et soleter, dedimus, donauimus et contulimus perpetuo possidendas, tenendas et habendas. Et, cum presentes nobis reportate fuerint, nostrum super hoc priuilegium dari faciemus. Datum sub Castro Kamarun tercio die festiuitatis beati Michaelis Archangeli, Anno domini M°. CCC°. decimo septimo.

Source Fulltext: WEIS, Heiligenkreuz (=FRA II/16, 1859) S. 50-51