In nomine sancte et individue Trinitatis. Diepoldus dei gratia Pataviensis Ecclesie Episcopus universis Christi fidelibus in perpetuum¹. Dum eterna beatitudine, iocunditate perpetua nichil felicius, nichil quoque sit iocundius, intra fines proprios atque legitiraos vnusquisque taliter se exerceat in latitudinem karitatis, ut adipisci ualeat premia eterne felicitatis. Hanc igitur prouidentiam secutus nobilis vir Ekebertus de Pernnhek et uxor ejus Hadwic et liberi eorum O^vdalricus et Ekebertus atque Eufomia in absolutionem peccatorum suorum, et pro redemptione animarum parentum suorum et omnium fidelium defunctorum monasteria duo uidelicet Jeros et Pernnhek in predio suo sita cum omnibus suis pertinentiis cultis et incultis et vniuerso jure patronatus et aduocatie quod in eis habebant, episcopali ecclesie nostre, in cuius diocesi sunt posita, manupotestativa tradiderunt, et post traditionem factam nomine suo et heredum suorum directa linea ab eis descendentium aduocatiam a nobis non in exactiones vel aliquas angarias in iam dicta monasteria et suos² exercendas, sed in protectionem duntaxat ipsorum in feudum receperunt.³ Cum itaque pie desiderium uoluntatis et laudande diffinitionis intentio sacerdotalibus studiis semper sint adiuuanda, ne per insolentiam hominum id quod tam laudabiliter actum est, sicut fieri solet interdum aboleri valeat -, presentis scripti paginam inpressione sigilli nostri communimus, et eorum testimonio, quorum nomina infra continentur, auctoritate dei omnipotentis corroboramus. Burkhardus de Chambe, Wernherus prepositus de Mahtse, Co^vnradus comes de Pilstein. Hermanus de Stein, et duo filii eius Heinricus et Hermanus. Wicardus de Scebin⁴. Oudalricus de Liebenberc. Sigfridus Weise⁵ Fridericus pibnahp. Rubertus et Almarus de Pernhec. Albero de Drozendorf. Hugo de Karelstete. Eberhart piscator et frater eius Cu^onradus. Riwin. AIbero. Riwinus de Cizstersdorf. — Sigboto et frater eius Heinricus de Bozisdorf. Ruodolfus et Arnoldus. Ortholfus et Einwig de Wicarsslach⁶. Et alii quamplures. Actum feliciter anno mill. C.LXXX.VIII. Indict. VI. tercio Clemente PP. sedi Romane presidente, atque Friderico rom. imperatore feliciter regnante. Datum per manum Richeri canonici et prothonotarii Theobaldi Patav. Epi.

Source Fulltext: MAYER, Geras (= AÖG 2, 1849) S. 9-11, Nr. 1