Dem etc. abbt zum Gottweig Fridreich von gots gnaden Romischer kaiser etc. Ersamer geistlicher lieber andêchtiger! Als auf dem nagstgehallten lanndttag zu Wienn durch dich und annder unnser prelêten und lanndtlew^et zu slaw^eniger und volliger betzallung des kunig von Hungern und der dinstlew^et ain furnemen beschehen ist, emphelhen wir dir ernstlich und wellen, das du auf den suntag letare¹ in der vassten (März 21) nagstchomenden gen Wienn cho^emest mitsambt unnsern rêten, so wir da haben wellen, unnd anndern unnsern prelêten und lanndtlew^eten, die wir auf denselben tag auch dahin ervordert haben, auf dasselb oder annder furnemen der bemeuten betzallung verrer nachzegeen, damit lannden und lew^eten darumb nicht krieg noch unrat auferstee und dich darinn nichts sawmen noch irren lassest. Daran etc. Geben zu Grêtz an phincztag nach sannd Scolasticatag anno domini etc. LXXVIIII, unnsers kaisertumbs im sibenundzbainzigisten jar.

Source Fulltext: FUCHS, Göttweig III (=FRA II/55, Wien 1902) S. 129-130