Nos Offo miseracione diuina Abbas et Conuentus Monasterij glvnicensis presentibus profitemur, quod cum bona deliberacione et consilio maturo contulimus Dietrico longo armentario et suis heredibus vniueris predium nostrum Vnchsingsoede nominatum eo iure, quod wlgariterLantsidelrecht dicitur, sub hac condicione, quod omnibus annis in festo Sancti Georgij martijris tres solidos denariorum wiennensis monete pro censu inde soluere teneantur nullo casu vel periculo inpediente; quodsi eundem censum in predicto termino non persoluerint, semper ad dies quatuordecim cum sexaginta denarijs emendabunt; quodsi triplicari premiserint, ipso die, qui sextam finit ebdomadam, ab omni iure suo se nouerint integraliter per omnia cecidisse. A festo etiam beati Georgij nunc venturo per biennium predictum censum non persoluent, infra quod spacium edificacionem domus et horrei edificabunt, sicut facere promiserunt. Post dictum vero biennium censum superius expressum amodo sine contradictione qualibet nobis et Ecclesie persoluent, quem quidem censum per nos aut nostros successores in nullo volumus augmentari et in nulla steura, penitus pregrauari excepto quod possessor predij memorati, quando ab hoc seculo migrauerit, Jus quod todreht dicitur, Ecclesie soluere teneatur , successor vero ipsius de collacione predicti predij quitcumque discretum et iustum fuerit, offerat nobis et Ecclesie ex condicto; In cuius rei testimonium presens scriptum Sigillorum nostrorum munimine duximus roborandum testibus subnotatis: Syfridus Heysib, Hertnidus chresslinch, Rugerus de zavcha, Hugo de Lambach, Valentinus filius suus, Fridericus officialis in Glvnich, Chvnradus officialis in hag, Dietricus officialis in Hedershouen, Chvnradus prvchkner officialis in weizdra, Rudegerus frater suus, Herrandus in via, Drietricus chlevl cum multis aliis fide dignis. Datum aput Glvnich Anno dominij M°. trecentesimo septimo, In die Sanctj. P. Gregorij pape.

Source Fulltext: OÖUB 4 (Wien 1867) S. 521-522, Nr. 560