Charter: Urkunden Gleink (1088-1762) 1263 V 15
Signature: 1263 V 15
Add bookmark
Edit charter (old editor)
15. Mai 1263, Ebelsberg
Otto, Bischof von Passau, Arnold, Propst und Chunrat, Chorherr von St. Florian, Otto, Dechant von Lorch und Jofredus, Canonicus von Regensburg entscheiden durch Compromiss den Streit zwischen dem Kloster Gleink und der Pfarre Sierning wegen der Kirche zu Dietach.Source Regest:
OÖUB 3 (Wien 1862) S. 304-306, Nr. 326
OÖUB 3 (Wien 1862) S. 304-306, Nr. 326
Current repository:
OÖLA Linz Bestand Gleink (www.landesarchiv-ooe.at/)
An der Urkunde hingen ursprünglich acht Siegel, von denen aber nur mehr fünf in mehr oder weniger beschädigtem Zustand erhalten geblieben sind.
Material: Pergament


Nos Otto dei gratia Ecclesie Patauiensis Episcopvs, Arnoldus prepositus Sancti floriani, Magister Chunradus eiusdem loci Canonicus, Otto Decanus Laureacensis ac Magister Jofredus Canonicus veteris Capelle Ratispone patere uolumus, quod, cum inter venerabilem Abbatem ... et Conuentum de Glvnich Ordinis Sancti benedicti patauiensis diocesis ex una parte et Dominum Haeinricum Rectorem Ecclesie in Syrnich ex altera super Capeila Tvdich ac diuersis terminis ipsius Capelle et Ecclesie Syrnichensis, que omnia ratione quorundam priuilegiorum nomine Ecclesie sue petebat idem Abbas, esset materia questionis suborta, Tandem per uarios processus habitos hinc et inde in Nos tamquam conmuniter a partibus extistitit (sic) conpromissum ita uidelicet, quod quicquid arbitraremur inter ipsas, tenerentur sub pena Centum Marcarum puri argenti wiennensis ponderis firmiter obseruare. Media vero pars huius peccunie nobis Ordinario loci assignabitur a parte, que in toto uel parte arbitrio uoluerit obuiare, Reliqua cedet parti arbitrium seruare uolenti, Et persoluetur hec peccunia sine more dispondio ante omnem litis ingressum personis iam expressis. Nos vero auditis propositis et discussis contentionis et iuris partium meritis In nomine patris et filii et spiritus sancti arbitrando primo duximus statuendum, quod Ecclesia de Glvnich Capellam Tvdich prefatam cum omnibus possessionibus, iuribus, terminis ipsius Capelle taliter nominantur*), Curia decimalis an dem haevberch domus una. Curia sub monte domus una. In winchel domus V. Im Rvot una. In Tvdich domus XV. Im Graben una. In Stinchenekke una. Am Pranperg una. Distaelberch una. In Glvnich tres. In talarn VI. In winchlarn IIII. In Oede tres. In Hvlwarn VI. In Vnwirde due. Grillinperg tres. Reinbrehtsperge quatuor. In Oede una. In Schachen una. In Prantsteten una. In Tenne due. Item Taenne una. Hellaer una. Pheffingen tres. Item in Taenne due. Im Raevte due. An der Lyten una. Ovf dem Haeuberch tres. In der Gruft una. Retro Capellam una. Sub silua una. Arbitrati sumus etiam ad omnem iurgiorum materiam inposterum amputandam, quod predicti Abbas et Conuentus Renuntiabunt expresse omnibus Priuilegiis, gratiis ac uniuersis impetratis et impetrandis presentibus et etiam retroactis, que dissensionis huiusmodi materiam tangere uidebantur, Et insuper omni iuri et iuris actioni, sique eis conpetebat uel conpetere poterat ex uia qualicunque et super hoc nobis Ordinario loci ac prefato Rectori suas patentes assignabunt litteras Sigillis propriis consignatas. Ex alia vero parte sic duximus statuendum, quod dominus Haeinricus Rector in Syrnich et eius successores ipsam Ecclesiam Syrnik, possessiones, decimationes, terminos ac omnia iura dependentia ab eadem Matrice Ecclesia libere possidebunt in omnibus locis et terminis, in quibus tam ipse, quam predecessores sui supradicta hactenus possederunt, exceptis possessionibus Capelle Tvdich antedictis et possessionibus similiter Capelle Stadel, que Tvdich Capelle per conmutationem legitimam et perpetuo duraturam in ipso nostro arbitrio est adiuncta tum propter utilitatem euidentem tum propter necessitatem urgentem personarum et locorum, Nostra Ordinarii loci et Capituli Patauiensis super hoc interueniente Auctoritate pariter et assensu, sicut in instrumento inde confecto plenius continetur. Arbitrati sumus etiam, quod uniuersi alii parrochiam Syrnichensis Ecclesie ab eadem Matrice Ecclesia cuncta recipient ecclesiastica sacramenta. Et canonica rectoris Ecclesie Syrnichensis institutio aput Episcopos Patauienses inperpetuum libera remanebit. In cuius rei testimonium et euidentiam presentes litteras nostrorum et ipsarum parcium sigillorum munimine duximus roborandas. Acta sunt hec in Ecclesia Oppidi Patauiensis Episcopi Ebelsperch Anno gratie M. CC. LX. III. Idus Maii, Indictione sexta, Pontificatus nostri Patauiensis Episcopi anno Nono.
Source Fulltext: OÖUB 3 (Wien 1862) S. 304-306, Nr. 326
Original dating clause: Idus Maii
Editions:
- Kurz, Beiträge III, 349.
Comment
Vergleiche OÖUB, Band 3, Nr. 316.Language:
Notes:
(zu Seite 305:) *) Hier ist etwas ausgelassen, was im Codex - Kurz, Beiträge III, 349 ergänzt ist.
Places
- Ebelsberg
Oberösterreichisches Landesarchiv, Urkunden Gleink (1088-1762) 1263 V 15, in: Monasterium.net, URL <https://www.monasterium.net/mom/AT-OOeLA/GleinkOSB/1263_V_15/charter>, accessed 2025-05-02+02:00
You are copying a text frominto your own collection. Please be aware that reusing it might infringe intellectural property rights, so please check individual licences and cite the source of your information when you publish your data
The Charter already exists in the choosen Collection
Please wait copying Charter, dialog will close at success