ICH Herman der Mulrieder vnd mein hausfraw wi^er veriehen, vnd tuen chu^ent mit dem offen prief, allen den, di in sehent oder ho^erent lesen, daz ich recht vnd redleich, gemacht han, durch got, vnd durch meiner sell hail willen vnd du^erch meiner wi^ertin sell hail willen, vnd du^erch meins Vater sell, vnd durch meiner Mueter sell, vnd durch all meiner vordern sell hail vnd dürch aller gelawbigen sell hail willen gemacht han, meinn hof in der aw^e, der genant ist der pu^erkchelhof, der mein freyzz aigen ist, vnd gelegen ist in Chirichdorffer pharr, vnd wol zwelif Schilling gelts ist, Also beschaidenleich, ob daz wer, daz ich vorgenanter herman der Mulrieder abgien (sic) mit dem to^ed, vnd an leiberiben, vnd den v^eberhaben mag von nötdu^erft wegen, so soll der vorgenant hoff geuallen, zu dem erwi^erdigen go^etzhaws gen Ga^ersten, vnser fraw^en vnd sol des obgenanten dienst, der auf dem hoff leit, geuallen ain phunt den herren in di oblay, darvmb se meiner sell vnd den vorgenanten sellen, singen schullen, ain lange vigilig, vnd drey sell mess, ain gesu^engnew vnd zwo gesprochen, dann der v^ebrig dienst, der sol geuallen vnser fraw^en auf ieren alter, douan vns der Guster, oder wer daz inhat, leihen soll zwelif grozz chertzen, zu der vigilig, vnd zů den messen. man soll auch meiner sell vnd meins vater vnd meiner Mueter vnd meiner wi^ertin sell, darvmb auch gedenkchen offenleich als offt als andern sellen, vnd schol man mi^er den jartag begen alle jar jerkleich nach sand philipp vnd sand Jacobs tag, in den A^echtagen, daz mi^er meiner sell vnd den vorgenanten, daz widervar von den vorgenanten herren, vnd allen ieren nach chomen, daz enphilich ich in hintz ieren gewizzen, als si got sullen antwu^ertten an dem jvngsten gericht, da es alles offen wi^ert. Daz in di handlung vnd di sach, als an dem prief geschriben stet, also stet vnd vnuerchert beleib, Darv^eber gib ich vorgenanter herman der Mulrieder in den prief versigelt mit meinem anhangu^enden insigel, vnd zu^e einer waren gueten getzewgnu^ezz mit der erbern hav^enolts des Rew^etter vnd hensleins des Rew^etter mit i^err paider anhangunden insigeln, de si du^erch meiner vleizzigen gepet willen an den prief gehangen habent, in an scha^eden. Geben, do man zalt von Christes gepu^ertt Drewtzehenhundert iar, darnach in dem Achtzkistem iar, des Vreitags nach Letare ze Mittrervasten.

Source Fulltext: OÖUB 9 (Wien 1906) S. 813-814