JCH Michel der V/etendorffer vnd ich Nicla der jüd vergehen vnd tuen chu^end allen lew^eten, daz wier mit wolbedachtem muet vnd mit guetleichem willen in geantwuert haben recht vnd redleich aws vnser nu^etz vnd gewer in di iren Dem erwirdigen vnd geistleichen herren Abpt Nicla ze Ga^ersten vnd seinem gotzhaws die Gueter datz Möln, di wier gechau^eft haben von dem erbern chnecht Thomann dem Haiden vnd seinen erben, die wier auch gechauft haben von dem Gelt, daz der erber Ritter her Symon der Venkk seliger dem egenanten gotzhaws geschafft hat, vnd haben daz getan in der beschaiden, daz wier noch all vnser erben fu^erbas dhain anspra^ech gegen den Guetern haben noch gewynnen schu^ellen noch mu^egen weder mit recht noch an recht, vnd tuen vns auch des ze fürtzicht mit dem gegenwürtigen prief, Daz di red also stet vnd vnuerchert beleib, Darv^eber geben wir obgenante Michel der ütendörffer vnd Nicla der jüd fuer vns vnd fu^er all vnser erben den prief versigelt mit vnser paider anhangu^enden insigeln vnd durch pezzer sicherhait mit der zwayer erbern Perchtolds am aygen vnd Hermans des Mülrieder anhangunden insigeln, di irew insigel zu zeug dar an gehangen habent, in an schaden, der prief ist geben, do man zalt von Christes gepüertt dreützehen Hündert iar, darnach in dem Siben vnd sibentzigistem jare An vnser frawn tag zu der Liechtmesse.

Source Fulltext: OÖUB 9 (Wien 1906) S. 193-194