Ich Graf Hainrich der Elter von Schawnberch vergich an disem brief vnd tuen allen den chunt, di in nu zestund vnd chuenftichleich vernement, daz her Rudolf der Schifer vnd her Alber von Portzhaim fuer vns sint chomen vnd habent daz aigen ze Stainsültze mit willen vnd mit gunst des vorgenannten Schifer Swen Rudolfes vnd Vlreichs vnd mit aller ir Erben gunst dem Gotshaus ze Paewern habent gegebn ledichlaiech vnd ...chleich zehaben an aller ir Erben ansprach vnd an aller nach chomen ansprach. vnd daz daz dem vorgenannten Gotzhaus ze Paewern staet vnd vnvercheret beleib, des gebn wir dem Gotzhaus disen Brief ze einer staet vnd ze einem vrchundt, versigelt mit meinen Insigel vnd mit ir paider Insigel hern Rudolfes des Schifer vnd hern Albers des Portzhaimer. Dieser rede sint gezeug her Albreht der Appt von Paewern, her Ott der Preigol(?), her Fridreich der Wolgemuot Schreiber vnd ander piderbe laeut. Diser brief ist gebn ze Schaumberch an sand Philipps tag do von Christes gepurt wpren ergangen Tausent Jar dreu Hundert dar nach in dem achtzehenden Jar.