Nos M(einhardus) dei gratia advocatus Aquilegensis ecclesie et comes Goricie presenti cartula tam presentes scire volumus quam futuros, quod de consensu uxoris nostre et filiorum nostrorum cum venerabile^a) domino nostro archiepiscopo Salzpurgensi tale promissum fecimus sive pactum, ut familie Salzpurgensis ecclesie nec non et nostris fidelibus, quando voluerint, liceat matrimonialiter copulari pueris tamen equaliter condivisis ita etiam, ut matrimonialiter copulati paterna hereditate et materna tam in bonis Salzburgensis ecclesie quam etiam in bonis nostris gaudere debeant pleno iure, equam videlicet porcionem in feudis et etiam in prediis^b) cupientes et hoc ratum habere volumus, tam in matrimoniis iam peractis quam etiam ulterius copulandis. Et ne tempore procedente in predictis possit aliqua dubietas exoriri, previdenti^c) testimonio et cautela hanc paginam sigillo nostro iussimus consignari. Dat. Luonz, IIII idus febr., indit.^d) XV^a.||
S.^e)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 532.