C. In nomine sanctae et individue trinitatis. Otto divina annuente clementia rex. Nos itaque de statu regni nostri regali more, ut iustitiae solidamentum augeretur, tractantes loca sancta nostris etiam privilegiis corroborari decrevimus. Quapropter noverit omnium fidelium presentium scilicet et futurorum industria, quod venerabilis Iuuauensis ecclesie archiepiscopus Heroldus nostram adiit regalitatem postulans, ut nostrae auctoritatis precepto confirmaremus quedam loca his denotata nominibus: Uuiniheringa, Antesena, Volinpah cum adiacentiis omnibus et appenditiis, hoc est cum barscalkis^a) et aliis serviis^b), mansis etiam silvis pratis pascuis aquis aquarumque decursibus ac molendinis quesitis et inquirendis, sibi etiam a religioso^c) papa Romane sedis Agapito proprialiter tradita in haec scilicet verba, ut singulis quibusque in annis tres libras^d) argenti ad altare sancti Petri apostolorum principis Rome principaliter constructum detulisset aut transmisisset, et si hoc forte per neglegentiam quadam instante necessitate aliquo in anno subheretur^e), in sequenti impleretur; si vero in tertio aut in quarto anno subtractum fuisset, ad prioris dominii statum iam dicta reverterentur loca. Nos autem eius assecuti petitionem hoc presens iussimus conscribi preceptum manu nostra firmatum et anuli nostri imppressione^f) munitum, ne quis succedentium regum vel comitum ullam haberet potestatem suprascriptis in prediis sibi habendi vel in benefitium dandi, sed sub venerabilis archiepiscopi iam dicti eiusque successorum potestate iuxta id quod supra scriptum est, perpetualiter permaneret.||
Signum domni Ottonis invictissimi regis (MF). ||
Liutulfus cancellarius ad vicem antedicti episcopi recognovit. ||
SR.||
Data III kal. decembr., anno incarnationis domini DCCCCLIiI, indict. VII, regnante pio rege Ottone anno XVIII; actum Ufhusa; in dei nomine feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 80-81.