[16. September 1722]

Congregatio Sexta 16 Septembris [1722]

Cui praeter superiores intererant Perill: Magn: Spect: et Exc: DD: Fack, Loigg, Paminger, et Reichel

Communicatur ab Excelso regimine Facultati casus criminalis per Decretum in fine actorum positum in puncto principatij infanticidij, ab Elisabetha Streckerin perpetrati quaerebat excelsum regimen, num duae obstetrices (quae team 14 mensibus et 8 diebus post enixum foetum visitantes, eam ex signis lactis et alijs circumstantijs legitime peperisse jurato dixerunt) seundum scientiam suam bene indicarint? Secundo: an rea perpetraverit infanticidium, neu ne? Tertio: quid sentiendum, cum corporis delicti, scilicet foetus ibi, ubi eum defodiebat, non reperiatur: Lectis omnibus examinibus et examinatis ab Excelso Regimine ex officio submisis obstetricibus quarum una vacillabat, altera respondebat, se non melius intellexisse, conclusit facultatis ad primum: Obstetrices temerarium, et in nulla arte fundatum testimonium dedisse, cum brevi post partum quandoque, multo minus post 14 menses et 8 dies signa ordinarij partus non dentur, cum insuper fassae fuerint, se tres solum guttas serosae humiditatis emulgere potuisse ad secundum: respondit facultas, quod pensitato examine denuntiantis stupratoris partus debuisset esse undecimestris, qui sine magno labore nunquam fit, et rarissimus est, sed potius quod secum dum ipsius reae confessionem sit partus non completorum 4 mensium proin pro abortu, nullatenus procurato, sed ex duro in vineis labore ortum ducente, habendus sit, nequaquam pro vivo foetu.Ad tertium: cum fimo tectum fuerit corpus delicti, et intra 14 menses et octo dies inquisitio facta non fuerit, hanc cartilaginosam compagem ex fimi acredine plane absumptam esse, quae acrimonia intra tantum tempus etiam capax fuisset perfectum foetum absummendi, id quod Excelso Regimini per D: Cautidicum cum remissione actorum intinuartum est, uti habetur in fine actorum.