[8. Februar 1623] In prima congregatione 8. Februarii habita lectum est decretum

A. transmissum a venerabili consistorio ratione articulorum patrum societatis ut

videlicet praedicti articuli inter acta facultatis referrentur.

Facultas articulos suscepit sed quia in aliquibus resolutio caesarea suspensa

habebatur consultius voluit ut insertio quoque suspenderetur.

Eodem die D. D. Olitorius obtulit libelum B. quo sibi licentiam theses exercitii causa

proponendas revidendi et corrigendi petiit concedi quod factum est ita tamen ut

cum praescitu domini spectabilis id fiat.

Eodem consessu magnifici rectoris et venerabilis consistori circa vicecancellariatum

consensus 17. Januarii expeditus perlectus est.

Dominus Hebertus med. baccalaureus theses pro licentiatu impetrando obtulit sed

certis de causis petitionern ad secundam futuram disputationem differendum

censuit facultas.

D. Henricus Massuca petit magisterium sanitatis quod usque ad excelsi regiminis

ratificationem obtinuit.

Claudio Lopino mag. phil. med. stud. petenti Emericanum stipendium concessum

est.

D. D. Langnickelio aphor. 6 sect. I. per sortem assignatus est. Dedit unicuique

doctori 4 flor.

Quidam pharmacopoeus Joannes Domavius Graecio adveniens dedit supplicem libelum pro examine subeundo. Libellus est transmissus et quia jam officinam ad aureum gryphum coemorat vota favorabilia transscripta fuere.