[12. April 1614] XVII. Aprilis institui ultimam congregationem ad quam etiam

convocatus fuit Soldinus apotecarius cui facta fuit supinae suae negligentiae

exprobratio et adhortatio [fol. 60v] ita ut si in posterum se diligentiorum fore

promitteret officina ipsi aperiretur. Sed Nie dum redarguitionem istam et paternam

admonitionem malitiosus sperneret neque delicti veniam deprecare vellet fuit

dimissus frustra nec officina ipsius fuit aperta.

Deinde responsio Viennensibus danda in causa apotecariorum perlecta fuit et

approbata ut S.

Tertio indicavi inclytae facultati quod Hilleri officina absque ullo privilegio adhuc

aperta teneatur. Conclusit facultas quod subsequens decanus ipsum adhuc semel

monere debeat ut si quod privilegium haberet ostenderet; si nullum monstrare

posset procedatur cum ipso secundum statuta prout cum ceteris factum fuit.

Item monstravi tunc duas schedas propria manu subscriptas a Pythopoeo ex

quibus liquido constabat Pythopoeum contra statuta et praesertim contra articulum

in ordinatione apotecariorum positum impune pecasse ubi habetur expresse quod

nulli medicorum liceat simul et medicum et apotecarium agere. Sed quoniam haec

res concernat etiam apotecarios quid cum Mio ineipiendum aut quomodo

procedendum sit in sequentem decanatum deliberatio fuit rejecta.

Resignavi officium decanatus mei. [fol. 61 r]

Accepta: A domino Conrado Widderholt med. stud. 6 sol., a Joanne Engelhardt

chirurgo 3 flor., a Petro Schürer apothecario 5 flor., a D. D. Olitorio pro admissione

ad consilia facultatis 6 sol., a Daniele Neandro chirurgo 3 flor. Summa: 12 flor. 30

cruc.

Eposita: Bajulo cistarum 15 cruc, pro holoserico et conflciendo pyreto novo 9 flor.,

pedello salarium 3 flor. 6 sol. Summa: 13 flor. Restant mihi solvendi 30 cruc.

Fortitudo et laus et salus mea Dominus. Psalm 118.

Sigismund Geisler Dr. m. p. [fol. 61 v]

Acta decanatus Joannis Materni phil. et med. dr. electi 17. Aprilis 1614 sub rectoratu domini Petri Lamberti j. u. dr. electi 14. Aprilis 1614.