Universitätsarchiv Wien, UAW Cod. Med 1.5 AFM 1605-1676
[16. November 1612] Decimo sexto Novembris per D. D. Piripachium, Colmannum professores, Pastorium et Maternum, per Raitterum, Häeringshauserum, Schlezzerum et Hartmannum seniores apothecarios repentina Soldini apothecae facta fuit visitatio. Syrupum de rosis siccis ingratissimum reperimus qui alias gratissimus est gustui. Tales syrupi fuerunt et alii. Onmes syruporum pyxides ejusmodi scriptum forinsecus continebant: paratus hic syrupus anno 1614. Conversi ad alia species diarrodonis abbatis valde pallidas invenimus et humidas. Conficiendi diaprunis simplex lenitivum et compositum dare per apothecarios jussus differentiam obmutuit. Thuciam cum aceto in oculorum usum parare se dixit. Non potuimus non affatim omnes videre admirantes hominis peritiam. Paucis post diebus reversuri simulantes abivimus. Conclusio: Consulem omnino de hac officina informaturos nos conclusimus. Misericordia et clementia factum praevenit.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.191, in: Monasterium.net, URL </mom/AFM/1.5.191/charter>, accessed at 2024-04-29+02:00
The Charter already exists in the choosen Collection
Please wait copying Charter, dialog will close at success