[19. Mai 1669] V. congregatio 19. Mai. D. Festa suam accepit sessionem caruitque

et juribus et voto pro prima vice. [fol. 352v]

Supplicavit mulier quaedam petitque do medicinalibus quibusdam examinari.

Sed conclusum fuit cum hactenus nula mulier fuerit examinata duntaxat decano et

uni aut alteri seniori sua monstraret dareturque ei licentia sua in nundinis tantum

vendendi.

Conclusum fuit ut citarentur pharmacopoei ad exhibitionem sui privilegii caesarei

deinde quatenus iis inhiberetur ne exterorum receptas sub poena graviori

conficerent et ut resisterent alis furtim medicamenta praeparantibus velut Philanto et

ut unum seniorem eligerent.

Supplicavit Maria Spöckin obstetricationis studiosa pro examine sed hoc anno amplius

non comparuit.

Supplicarunt obstetrices pro litteris compassus ad dom. officialem eo quod ilis cera

quaedam a curia episcopali ab immemorabili tempore data negaretur. Non adnuit

facultas eo quod haec res potius ad accipiendi quam obstetricandi artem pertineret.

Propositum fuit medium quo balneatores in districtu Neostadiensi examinari possent

cum huc venire ob mediorum defectum recusent ut nempe ab is ibidem degentibus

colegis nostris licentia ilis a facultate data divisis cum facultate juribus

examinarentur et plerique putarunt id nobis praejudicari adeoque medium hoc

recusarunt.

Supplicarunt Tenerius et Chrisai pro materia disputationis ad gradum

baccalaureatus. [fol. 353r]

Supplicavit Georgius Weiss oculista et litotomus pro testimonio sed cura superciliose nimios et falsos titulos praetenderet conclusum est ut ipsi vel omnino negaretur vel minoris apparatus testimonium daretur.

Item facultati expositum fuit quatenus med stud. mutuo libros acceptos ex bibliotheca medica nuper erecta non restituerent immo abalienarent uti nuper pessimus quidam nomine Schreyber hinc cum 7 praecipuis autoribus discessit. Ideoque conclusurn fuit ut iis per programma intimaretur ut ad primam vel saltem secundam bibliothecarii repetitionem sub gravissima exclusionis poena libros sibi pro trimestri accommodatos integros et minime lituratos restituerent. Misit facultati apologeticas quasdam theses Erphordia quidam nomine saltem doctor. Constitit posta 24 cruc.

Supplicarunt pharmacopoei chirurgi et balneatores quatenus facultas sibi auxiliatrices manus porrigeret contra quendam doctorom Biliottle qui pharmacopolium ingens erexit medicos exteros chirurgos et pharmacopoeos fovens et ubique in summam eorum ruinam promovens. Conclusum ut audientia apud clementissimum imperatorem peteretur. Comitantibus itaque 4 medicinae doctoribus, 2 pharmacopoeis totidem chirurgis et balneatoribus processi ad audientiam et pro ingenii tenuitate nostras et illorum querelas brevi oratione exposui mihique sapientissime et benignissime respondit imperator omnem promittens justitiae administrationem. In universum constitit 9 flor., solicitator 3 flor. [fol. 353v]