Current repository:
Universitätsarchiv Wien, UAW Cod. Med 1.5 AFM 1605-1676
[7. September 1667] VIII. congregatio 7. Septembris. Conclusum fuit ut daretur
libellus supplex suae majestati in quo peteretur confirmatio antiquorum
privilegiorum [fol. 336r] et ut responso accepto sollicitaretur expeditio in
cancellaria.
Supplicavit obstetrix pro examine sed cum reliquae de magno numero
conquererentur libellus ad obstetrices pro informatione missus est.
Conclusum fuit ut pharmacopoeis decretum mitteretur no practicarent aut
extraneorum medicorum receptas conficerent sub poena mulctae actualis.
Conclusum item fuit ut contra murmurantes quosdam ematriculationi Danielis
Schrader insisteremus. Item ut copia privilegii nuper confirmati a pharmacopoeis
peteretur.
Citatus fuit Apelshofer chirurgus et fassus est sese medicamenta interna dedisse
adeoque pro prima vice ingenti capitulo et comminatione dimissus est.
Conclusum est ut chirurgis aulicis qui aliquot ab hinc annis ad offertorium ire
renuerunt nolentes chirurgis civicis qui ab immemorabili tempore praecedentiam
habuerunt et in quieta possessione fuerunt cedere decretum mitteretur ut vigore
sui juramenti decano comitionem darent et ad offertorium procederent more
hactenus semper practicato ita tamen ut chirurgi personae immediate post
seniorem civium sequerentur.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
