[5. Februar 1578] Congregatio. 5. Februarii proposuit rationes stipendii D. D. Francisci Emerici piae memoriae de anno 77. D. D. Joannes Aicholzius. [fol. 245r]

Accepta erant: 190 flor. 4 sol. 20 num.

Exposita: 75 flor.

Restabant: 115 flor. 4 sol. 20 num.

Rationes illae approbatae fuerunt et cum quitantiis ad ladulam repositae. Restans summa mansit penes superintendentes.

In hac congregatione tandem post varias consultationes communi consensu decretum est, nullum, quicunque tandem sit, qui in nundinis declamat aut medicamenta venalia proponit in facultate audiendum aut examinandum, longe minus approbandum. Tales enim hic ferri non debere, statutum est in reformatione apothecariorum articulo 22:531

Si qui vero sint sectores calculorum aut qui suffusionum curam aut similem aliquem partem chirurgiae profitentur, eos si non proponant medicamenta venalia publice, nec declament in foro, audiendos et examinandos et injungendum, ut praesente decano aut aliquo doctore suae artis specimen edant et si idonei reperti fuerint, brevi scripto consuli significandum esse, quod iis exercitium artis hic concedi possit.

Testimonium tamen publicum nulli istorum dandum esse, statuit facultas, propterea, quod constaret, omnes hactenus hujusmodi testimonia in dedecus facultatis turpiter prostituisse. [fol. 245v] De chirurgis vero, qui aut tonsores aut balneatores sunt, aut si qui alias chirurgiam profitentur, ut in Italia multi et hic olim Augustinus Nagl Wolfgangus Perger, Antonius Mannius, Conradus Zieglerus et alii statutum est, eos audiendos et examinandos esse sed non admittendos, nisi in omnibus istis chirurgiae partibus utcunque se versatos esse in examine ostenderint, nempe missione sanguinis, scarificatione, vulneribus recentibus, ulceribus omnis generis et apostematibus, gangrena, fracturis et luxationibus, praeterea unguentum unum et emplastrum unum ab examinatoribus proponendum iis praesentibus componant et tum si idonei reperti fuerint, admittendos esse et secundum formam consuetam illis testimonium dandum.

Et ne tonsores et balneatores posthac haberent occasionem praetexendi, quod ignoraverint, quid in examine ab iis requiratur, decrevit facultas per decretum id et tonsoribus, ut balneatoribus significandum. Transmisi itaque seorsum tonsoribus ut seorsum balneatoribus subsequens decretum: [fol. 246r]532

Tonsoribus: Den ersamen und furnemen wundartzen, so alhie zum Wien palbierer, zuzustellen..

Balneatoribus: Den ersamen und furnemen meistern, so pader alhie zu Wien und wundartznei übern zuzustellen:

Von der Facultet Medicorum N. N. anzuzaigen, das die Facultet etliche Stuck furgenomen, in wellichen ein jeder, so sich zuzulassen begert, examinirt und allein, wan er in sollichen Stuckhen zimlich tauglich befunden, approbirt und seiner Tauglichayt Testimonium oder zeugniss haben sol, nemlich im Aderlassen, Srephen, frische Wunden, allerlay Gschwär und Apostem, Brant, Painbruch, Auslenckung der gliedern, Zent ausprechen533. Auch sol er in beisen der Examitaorn etwo ain salben und ain pflaster, so ime furgeben wirdet zurichten.

Welliches die Facultet Innen N. N. derhalben wissen last, domit sie dennen, so frey hantwergk bewohnen und etwo hie ain Wergstat oder Badtstuben zu uberkhommen verhoffen, dieses refumieren, damit sie gewislich wort lesen und schreiben khunnen, darnach sich in diesen Stuckhen ehe fleissig uben, domit ain Jeder fortan khain entschuldigung wie zum [fol. 246v] oftermal beschehen vorzuwenden habe, das ihm unbewist, in wellichen Stuckhen ain Maister geübt sein solle, auch das vortan khain untaugliche sonder geschickte allain approbirt und zugelassen werden.

Ex congregatione facultatis 5. Februarii anno 1578.

N. decanus et facultas medicorum.

In eadem congregatione electus est ex facultate nostra visitator D. D. Benjamin Löbschitz; ex apothecariis Abraham Sanger. Examinatores D. D. Michael Lingel, Diomedes Cornarius, apothecarii Christophorus Rap et Poppo Mulner. Sed in meo decanatu regimini praesentati non sunt.534

A 19. Februarii usque ad 19. Martii exhibuit anatomiam corporis masculi D. D. Joannes Aicholtzius; exposuit D. Benjamin Löpschitz.