[13. September 1562] 13. Septembris habita est M. Joachimi lithotomi nomine congregatio, qui repetiit a facultate hic interea apud me sua reservata testimonia, illique reddita sunt his conditionibus praemissis, ut primo omnium deprecetur culpam D. Doctori Fabricio et alliis, quos laesit maledicentia.

Secundo ut tribuat honorem debitum doctoribus medicinae;

Tertio ut abstineat deinceps a vano doctoris chirurgiae titulo et se conformen reddat statutis nostrae inclytae facultatis atque etiam suo ab eadem accepto testimonio nec ullum morbum supra quem oportet curare hic attentet. Quae omnia se servaturum et facturum promisit [fol. 33r] et in meam manum nomine totius facultatis nostrae sancte juravit. Adfuerunt D. Plancus, D. Casparus Pyrchpachius, D. Haustein et D. Waltherus.

Ac in eadem congregatione officium meum visitandi pauperes in xenodochio civili (quod per 10 menses et 14 dies sustinui) Doctori Haustein ex Iglavia, non ita pridem advenienti a facultate impositum est, sed ad tempus substituit D. D. Waltherum. Exposui pro vino et pane flor. 0, sol. 0, num. 9.