[24. Jänner 1575] Die 24. Januarii anni 75 convocata est facultas medica inclyta propter decretum venerabilis consistorii, ut ex gremio nostro (ad resignationem magnifici cancellarii D. D. Zopel) alios superintendentes juxta articulum ultimae voluntatis et fundationis magnifici et clariss. viri Francisci Emerici medicinae doctoris piae memoriae eligeremus et electi sunt in superintendentes praedicti stipendii mag. et clariss. viri dominus Paulus Fabricius et dominus Johan Aicholz, ambo medicinae doctores, illisque facultas serio injunxit et posthac inviolabiliter servandum statuit, quod nullum ad praedictum stipendium recipiant, quin prius illum facultati sistunt ac repraesentant et tandem a tota facultate medica penes quam etiam solam sita est confirmatio accipiatur et confirmetur. Sequitur facultatis decretum.461

Postquam in hac congregatione dominus D. Caspar Pirpachius ut visitator462, itidem et reliqui domini examinatores apotecariorum ex nostro ordine, qui pro anno praeterito designati fuere, sua offitia facultati resignassent, tandem in praesentem septuagesimum quintum annum pro visitatore electus est D. D.

Andreas Dadius, examinatores vero D. D. [fol. 217r] Paulus Weidner et D. D. Georgius Walther, similiter ex apotecariis pro visitatore Johan Leib, in examinatorum loca Wolff Herolt et Erhart Schmeisser et hi omnes excelso regimini scripto indicati et confirmati sunt.

Facultatis decretum:463