[4. August 1599] Die 4. Augusti transmissum fuit facultati medicae ab excelso regimine decretum O, ut quam primum exhiberet informationem, nunquid a cutibus et sevo ex demortuis contagio animalibus detractis et in civitatem allatis aliquod contagii periculum non solum iis hominibus, qui talia tractant sed etiam aliis expectandum sit. Responsum fuit pro hac informatione die 6. ejusdem mensis, ut habetur in fasciculo sub P.