[9. August 1553] Secundam meam congregationem celebravi 9. die Augusti ex commissione sacri regiminis. Venit autem mihi eius decretum tale, ut omnes et singuli doctores statim indicarent, quando ad illorum manus veniret aliquis infectus, quod susceperunt se facturos. Eadem die auditus, examinatus et admissus est ad chirurgicen solam Mag. Casparus. Dedit facultati sol. 12. Symposium eius diei congregatis constitit 20 cruc. In hac899 [fol. 171r]900 In hac congregatione, quae satis frequens fuit, perlegi facultatis petitionem deferendam ad consulem et senatum, et placuit ea omnibus et singulis, in qua, quod saepe factitatum est, petivimus, ut inhiberentur tam publicae quam privatae empiricorum imposturae; deinde ne steure imponerentur doctoribus medicis; praeterea privatae etiam aliquot personae nominatim a nobis sunt accusatae. Exemplar huius petitionis et accusationis nostre est ad acta relatum.901

Eodem tempore Doctor Ioannes Schröterus testimoniales litteras petiit et exhibuitexemplar congregationi doctorum, quod illis etiam placuit, quare concessum sibi est. Ille vero novo exemplo — quod ego impugnabam — typis excudendum mandavit. Facultas tunc et hoc sibi concessit, et ego me litteris, hortatu seniorum tamquam decanus subscripsi.902