[13. Oktober 1538] Anno Domini 1538, die sancti Colomanni, que erat 13. Octobris, ego Ioannes Soranus, arcium et medicine doctor, in decanum facultatis medice unanimi dominorum doctorum consensu electus sum.

Eodem die mox ab electione peciit quidam empiricus examinari et ad curam calculi renum admitti, cui domini doctores ob negocia vindemialia diem examinis 28. Octobris constituerunt. Quo quidem die, me absente et domino doctore Sigismundo Haselreiter vicem meam gerente, examinatus est, sed quia ignarus et ad predictam curam insufficiens inventus, a dominis doctoribus admissus non est.