[27. März 1533] Die 27. Martii Mag. Leopoldus Wernhart ex Stain, cui anno etc. 1530 in decanatu domini doctoris Leopoldi Iordani litere testimoniales sui studii in arte medica date sunt, hee cum per incendium civitatis Krembs anno etc. 1532 obortum, ei periissent, rursus alias testimoniales literas sue inscriptionis in facultatem et studii, quo in capescendis saluberrime medicine dogmatibus aliquot annis usus est, petiit. Quas denuo omnium dominorum doctorum consensu, posteaquam copias earundem per facultatis famulum cuique presentatas perlegissent, impetravit et 28. die mensis Martii accepit sub sigillo facultatis.

Percepte673pro quibus facultati numeravit 1 tal. 4 sol. den. Dominus doctor Ioannes Gastgeb, antecedentis mutationis decanus, postquam facultati rationem percepti et expensi fecisset, reliquam facultatis pecuniam mihi exhibuit; in summa 6 tal. 22 den.

Exposita674: Ex ea summa famulo facultatis Iodoco in solarium Colomanni cesserunt 12 sol. den. Item 12 sol. den. dati sunt hiis, qui instructionem facultatis et singula acta controversie domini doctoris Georgii Tansteter et Mag. Andree Perlachii scripserunt, que omnia simul in unum fasciculum iuncta et sigillo facultatis nostre obsignata, Regi Maiestatiad Oenipontem missa sunt.

Restantem facultatis pecuniam in summa 4 tal. 4 sol. 22 den. obtuli domino doctori Leopoldo Iordano, sequentis mutationis decano. [fol. 120v]

Decanatus quartus doctoris Leopoldi Iordani Viennensis.675