[7. März 1533] Die 7. Marcii convocati sunt domini doctores ad petitionem empirici cuiusdam Erhardi Kranibitter, ut in arte sua audiretur atque examinaretur. Nam schede, quibus curam morbi gallici atque aliarum egritudinum pollicebatur, quas apud sanctum Stephanum affixerat, ei amovebantur atque per dominum iudicem civitatis eidem prohibebatur,ne alias schedas affigeret, et simul, ne artem suam in urbe Viennensi exerceret, donec a facultatis medice doctoribus audiretur atque admitteretur. Sed quia duo solum doctores convenerant, ceteris omnibus absentibus, examen empirici in proximamcongregationem dilatum est. Eodem die dominus doctor Ioannes Pilhamer, superintendens universitatis, articulum sue supplicationis ex parto ordinariorum lectorum in facultate obtulit cum inscriptomandato dominorum de regimine, ut facultas medica super eo ipso articulo dominis de regimine et de camera regia [in] scriptis informationem daret. Eo ipso quoque diedominus senior doctor Ioannes Entzianer ladulam facultatis clausam et sine clave per famulumfacultatis Iodocum decano presentari fecit, que sicut erat clausa, asservata est decano sequentis mutationis presentanda.