Current repository:
Universitätsarchiv Wien, UAW Cod. Med 1.3 AFM 1490-1558
[5. November 1508] Dominica die ante Leonardi confessoris, que erat 5. Novembris, habita est facultatis congregatio propter articulum sequentem. Rector suis cum consistorialibus singulos facultatis doctores sigillatim peremptorie citavit ad comparendum sequenti die Lune coram Consistorio, et ibi assignare causam vel causas, quare facultas decanum suum hactenus in faciem Consistorii non presentavit. [fol. 46r]
Facultas concors et unanimis super hoc negotio rotunda ac una voce conclusit, velle iuxta habite citationis formam comparere et causam superioris conclusionis in die divi martiris Colomani facte assignare, et in eadem perseveranter stare et persistere. Super hoc facultas concorditer elegit et recepit prestantissimum virum dominum doctorem Philippum in huius negotii advocatum, quem subarravit flor. 1 Ungar. In eadem congregatione pro vino, pane et castaneis dedi 3 cruc.291
- Acta Facultatis Medicae Universitatis Vindobonensis Vol. 3, Karl Schrauf, 1904
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
