Current repository:
Universitätsarchiv Wien, UAW Cod. Med 1.3 AFM 1490-1558
[23. August 1508] In vigilia divi Bartholomei Apostoli, que erat 23. Augusti, habita est facultatis congregatio propter duos artium liberalium magistros et medicine baccalarios, Ioannem Entzianer ex Uberlingen et Georgium Obsinger Pataviensem, qui humiliter coram facultate pecierunt se ad examen pro gradu licencie admitti, et unusquisque eorum seorsum defectus suos facultati recitavit, et ambo sigillatim obnixe et humilime facultati supplicarunt, quatenus facultas super huiuscemodi defectus suos recitatos benigne et gratiose dispensare velit. Facultas super eorum petitionem factam rem ipsam [fol. 44v] mature et satis deliberate pensitavit trutinavitque, et finaliter mota quadam pietate et misericordia cum eis super eorum recitatos defectus benigne et paterne dispensavit, eosque ad examen pro gradu licencie gratiose admisit.
Eodem die propter vicecancellarii generalis nostri studii Viennensis defectum et prefatos duos magistros presentandos facultas in hunc modum conclusit:
Observato consideratoque decreto quodam per universitatem fabricato vicecancelariatus officium concernente, duo prefati magistri presentandi per decanum et totam facultatem more solito venerabili et egregio viro domino Ioanni Putsch, cathedralis ecclesie Viennensis preposito ac generalis nostri studii Viennensis cancellario dignissimo, quam cicius fieri poterit presententur.
Et presentati sunt sequenti die Sabbati, que erat 26. Augusti etc.
- Acta Facultatis Medicae Universitatis Vindobonensis Vol. 3, Karl Schrauf, 1904
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
