Current repository:
Universitätsarchiv Wien, Cod. Med 1.2 AFM 1436-1501
[29. September 1487] Item die sancti Mihaelis arhangeli per pedellum nostrum Fridericum presentavi abbati monasterii Scotorum Vienne fundalem censum de domo facultatis833 nostre medicine sibi debitum, duos puta den. Viennenses.
In vindemia huius anni serenissimus dominus noster Rex Ungarie etc. Mathias recepit steuram per omnes Austrie partes sibi pronunc jure belli subiectas, florenum Ungaricalem de ternario; de educendo vero ad partes sibi non subiectas 4 flor. Ungaricales. Ita pactatum est in dieta universali celebrata in castris ante Novam Civitatem positis in Quadragesima anno 1487. et consensum est ad hoc per quatuor partias Austrie; verum Civitatem Novam ab hac steura liberam dixit, quam vi [et] fame accepit in octava Laurencii 1487. Benedictus Deus, qui nobis det in hac patria suam vel pacem vel pacienciam Amen.
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
