[13. Oktober 1483] Anno Domini 1484798, in die sancti Colomanni, post novi rectoris eleccionem electus est in decanum facultatis medicine Mag. Hermannus Haym, arcium et medicine doctor, cui decanus precedens presentavit ladulam magnam cum in ea contentis, videlicet libro statutorum et duobus libris actorum cum privilegiis et aliis ibi contentis cum archa parva, in qua pecunia facultatis continetur, et pixide parva, in qua est sigillum facultatis.

Item dominus doctor Mag. Andreas Voperger ex Wyenna ante ipsius recepcionem doctoratus dedit 2 flor. Ungaricales, quos facultati obligabatur.

Item sepius ad me venerunt magistri in facultate nostra lecciones in eadem audientes, a me petentes, ut eis congregacionem doctorum facerem, non manifestantes michi causam, propter quam.

Tandem informatus, quod optarent habere anothomiam in domo facultatis medicine, intellecta ipsorum peticione, ego novi plus antiquorum et antecessorum nostrorum pro anathomia ordinacionem, locum et tempus799, ego eis denegavi facere congregacionem, primo ex mala ordinacione, quia non ibi fuerunt predisposita instrumenta nec lector nec qui colligeret pecuniam pro lictore et aliis necessariis cum decoccionibus certorum membrorum, nec fuit eis locus in domo facultatis sine consensu inquilini; eciam ex parte sepulchri nec ex parte temporis. Antiqui enim nostri et ego cum eis anothomiam semper habuimus circa sanctum Spiritum aut in balneo prope sanctum Anthonium; ibi in cimiterio fuit factum sepulchrum, in quo successive tempore anothomie fuissent800 membra anothomata imposita et in fine corpus 801anothomatum. In fine domini doctores habuerunt exequias et offertorium cum magna solempnitate pro anima. Eciam ex parte temporis, quia in frigido tempore et quadragesima, quando non fuit esus carnium, et in principio et non in tempore humido, sed sicco et frigido. Quod autem facta sit in domo facultatis, causa est prima, quia Mag. Nicolaus de Ratispana lector fuit et fuit parcus et consensit et disposuit et admisit, quia locavit domum cum inquilinis sic, quod plus de domo facultatis recepit, quam dedit pro censu. Secunda fuit celebrata cum Mag. Conrado Praun de Müldorf, qui eciam fuit lector et eciam disposuit et consensit anothomiam fieri in domo facultatis medicine et propterea admisit decocciones fieri; sed locus consecratus fuit distans, quia cimiterium pro sepulchro; ergo locus non fuit ibi conveniens. Tempore autem illo, quo in decanatu meo ultimo802 illa fuerunt petita a scolaribus, tempus fuit nimis humidum et calidum, quia in Marcio et Aprili, et tempore sacro, quo corpus fuit interficiendum, quia feria secunda post dominicam Iudica et post festum sancti Ambrosii. Quare peto facultatem, quod mihi non imputet, quia eciam Deo teste non fuit ita sanus et fortis, quod aliquid ibi fecissem in anathomia propter plures defectus meos.