[22. Februar 1483] Anno Domini 1483., 22. die Februarii, in die videlicet sancti Petri790, fuit facultas medicine congregata ad deliberandum super articulis infrascriptis: Primus fuit ad audiendum suplicacionem unius magistri in artibus et baccalarii in medicina petere volentis, ut domino vicecancellario pro examine licencie in medicina presentetur, et fuit concorditer ab omnibus admissus791. Secundus ad conspiciendum structuram et venestram domus vicine et annexe noviter factam, domui facultatis medicine multum nocivam, et ad intercipiendum tempestive, ne dampna facultati una dierum oriantur: Ibi conclusum fuit, quod dominus doctor Mag. Georius Schobl juratos civitatis duos adduceret, qui conspicerent, et tunc juxta ipsorum informacionem facultas debet procedere et facere; et idem doctor se intromisit.

Item eodem die exposui 9 den. pro vino, et unam octavam de Reyfolio habuimus a domino doctore Mag. Iohanne Pilgram de Enczesdorf, qui libere exposuit 52 den. pro eadem, et tunc me duce ad facultatem et ad consilium facultatis fuit assumptus, et fuit articulus eciam sibi formatus.

Item idem magister et baccalarius in medicina fuit feria sexta post Mathye festum, hora secunda, domino vicecancellario Mag. Andree de Botenprunn presentatus per medicine facultatem, ut moris est.