[26. September 1482] In profesto Cosme et Damiani doctor Iohannes Tichtel tunc egrotans non potens convenienter congregate facultati desiderium suum proponere, singulis dominis doctoribus cedulam transmisit in hec verba: ,Venerabilis et egregie domine doctor. In egritudine mea, de qua nondum plene sum liberatus, inter alias devociones devovi sanctis martiribus Cosme et Damiano specialem ipsis exibere honorem, et dum cogitarem qualem, venit in mentem offertorium artistarum, quod sancte Katherine suo die faciunt. Statui itaque aput me talem dictis martiribus honorem cras in stacione nostre facultatis facere, cum grossis videlicet, et nedum cras, sed et temporibus futuris. Conabor enim, ut eciam me mortuo id offertorium meis expensis fundatum firmiter possit permanere.

Quapropter oro vestram reverendam humanitatem, quatenus huic meo proposito favere dignemini ob honorem martirum dictorum et nostre facultatis. Bene optimeque valeat vestra dominatio egregia.' Cui quidem peticioni omnes et singuli domini doctores ex suis humanitatibus annuerunt et sic die sequenti est celebratum. In quo die pro dicto festo Cosme et Damiani785 exposui 9 sol. den. et levitis sarcofagum predictorum martirum portantibus 8 den.; duobus enim levitis non ministrantibus, sed tamen portantibus, nullum precium propter hunc laborem est assignatum. [fol. 105r]786

Item idem predictus decanus, facto computo, solvit facultatem integre et nihil facultati obligatur, et extra archam remanserunt floreni Ungaricales 3, Renenses 2, et 5 sol. den. minus 2 den., et pedellus recepit suum salarium solitum et ex gratia 60 den., et dominus doctor Magister Hermanus solvit facultatem in censu, quem facultati debebat circa festum Mihaelis anno Domini 1482.787

[1482/ 1483]