[21. Juni 1482] Anno quo supra, sexta feria ante Ioannis Baptiste, hora prima, congregata fuit facultas propter articulum subscriptum: Ad audiendam777 peticionem duorum in medicina baccalariorum nec non magistrorum in artibus admitti ad examen pro gradu licencie in medicina petere volencium. Quorum peticio ab omnibus doctoribus est exaudita, et die inmediate sequenti post Ioannis Baptiste vicecancellario Mag. Andree ex Potenprun778 sunt presentati per facultatem medicine, ut mos habet, eisque cancellarie porta est adaperta et die sequenti, scilicet die sanctorum Ioannis et Pauli, primus Magister, videlicet779 Paulus Ursenpekch ex Tekchendarff780, puncta sibi in aurora assignata accipiens, hora secunda post meridiem super ipsis est examinatus, et sequenti die secundus Mag. Ioannes Pilgräm ex Enczesdarff maiori. Qui quidem ambo concorditer a doctoribus ad licenciam simpliciter sunt admissi. Quam quidem licenciam necnon insignia doctoralia Mag. Paulus Ursenpekh recepit nonis Augusti in ecclesia kathedrali sancti Stephani781 a venerabili et egregio viro Mag. Ioanne ex Sälingenstat, arcium et medicine doctore eximio, premittendo solucionem 2 flor. Ungaricalium ipsi facultati medicine.

Item egregius vir Mag. Ioannes Pilgräm ex Enczesdarff maiori sua sponte obtulit facultati medicine 1 flor. Renensem per facultatem ob honorem sanctorum Cosme et Damiani exponendum. [fol. 104v]