[30. Jänner 1481] Item anno 1481., feria tercia post Conversionis sancti Pauli771, electus fui in superintendentem alme universitatis Wiennensis studii, qui tunc superintendens manet in officio per unum annum et elapso anno resignare debet, ut ex sequenti facultate unus eligatur. Qui superintendens jurare tenetur domino rectori pro tempore.

Primo ut officium superintendencie772 fideliter exequi velit, videlicet ut si quem defectum apud aliquam facultatem universitatis studii Wiennensis senserit, illi sine mora pro sua possibilitate obviet et occurrat.

Secundo ut stipendium universitatis, cum presentatum fuerit priori ducalis collegii, sine dilacione distribui faciat illis, qui merverunt illud secundum noticiam ipsi per singularum facultatum decanos mediate et per priorem collegii ducalis immediate factam.

Tercio ut nulli prohibeat dare stipendium neque impediat ob quamcumque causam, nisi talis causa fuerit expressa in litteris fundacionis.

Quarto ut neque aliis neque ipsi lubeat dari stipendium, quibus secundum litterarum fundacionis tenorem dari non debeat.

Quinto ut fideliter impendat remanencias ad eas necessitates, ad quas litteris fundacionis sunt ordinate.

Ultimo ut diligenter procuret debito tempore racionem summere a priore vel a prioribus de remanenciis perceptis et expositis.

Item solvi facultatem integre et dedi 2 flor. Ungaricales et 5 sol. 11 den773. in die sancti Kolomanni martiris. [fol. 104r]774

[1481/ 1482]