[13. Oktober 1466] Anno Domini M°.CCCCMxvi0., in die sancti Colomanni, electus est in decanum Mag. Michael de Schrichk, artium et medicine professor, cui decanus immediate precedens presentavit ladulam facultatis cum in ea contentis, scilicet sigillo, duobus libris actorum, libro statutorum et duabus scatulis, in quibus continentur privilegia domini nostri serenissimi Imperatoris et episcopi Pataviensis cum quibusdam instrumentis et aliis litteris super domo nostra et specialiter contra empericos, qui prohibentur a practica, ut in eisdem litteris liquet; et continetur insuper ladula minor in maiori cum thezauro facultatis, cuius in summa sunt 50 flor. Ungaricales. Et Mag. Nicolaus, inquilinus noster, obligatur in censu preterito, videlicet a festo Geori ad festum Michaelis, in quo solum dedit nostro bedello 5 sol. den., et 3 sol. exposuit de suis in structura, et hoc esset 1 libr., verum ipse dicit de 9 sol.; residuum obligatur et conduxit domum de novo a festo Michaelis ad annum pro 10 flor. Ungaricalibus et cum ista pecunia, quam obligatur de prima mutacione, debet reformare stubellam parvam superiorem et ea uti et locare pro censu secundum suam voluntatem, sicut placet sibi, et nichil plus dare quam 10 flor. [fol. 65r]621