Current repository:
Universitätsarchiv Wien, Cod. Med 1.2 AFM 1436-1501
[30. September 1465] Ultima die mensis Septembris in causa facultatis repellendi empericos et contra appotecarios empericos foventes in domo Georgii Episshawsen, protunc judicis civitatis, convenerunt deputati nomine facultatis Mag. Caspar Griessnpeckh, decanus protunc, Mag. Michael Schrickh, Mag. Iohannes Spardorffer, Mag. Nicolaus de Ratispona; nomine vero tocius consulatus prefatus judex, Wilhelmus Samps, Udalricus Kärner, Nicolaus Lebhoffer, Stephanus Hertel, ubi in presencia omnium appotecariorum deputati predicti nomine consulatus audiverunt legi 605ordinaciones per facultatem conceptas ac litteram Cesaream pro privilegio nobis datam. Hiis auditis per deputatos facultatis fuerunt petiti, quatenus ipsi una cum toto consulatu dignarentur facultatem conservare in suis privilegiis. Responderunt se velle deliberare; eis deliberatis dixerunt, se non habere posse nomine consulatus, sed vellent defferre ad consulatum et petiverunt duo: primum copiam articulorum eis lectorum; secundum, quod doctores facultatis usque ad decisionem cause scriberent omnibus appotecariis. Deputati nomine facultatis responderunt illa ad facultatem refferre, et statim die sequenti facultate congregata decretum fuit, eis dari copiam articulorum lectorum, et responsum, an facultas vellet interim indifferenter omnibus doctoribus scribere vel non, invenirent in articulis eis presentatis. [fol. 61r]606
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
