Current repository:
Universitätsarchiv Wien, Cod. Med 1.2 AFM 1436-1501
[18. Mai 1465] Eodem die sancte Sophie, ut supra, motus fuit articulus ad empericos repellendos. Ubi in facultate conclusum fuit, quod die sabatina sequenti convocarentur singuli et omnes appotecarii ad domum facultatis, doctoribus congregatis, et postea Iohannes Perger, appotecarius circa Rosam, esset avisandus et petendus, ut amplius empericos non foveret, quod factum est, et diceretur sibi eciam, quod similiter omnes alii vocati ad diem ut supra una cum eo ad verbum ponerentur et ex consequenti peterentur, ut empericos non foverent contra ordinaciones facultatis medicine practicantes, et eis auditis, ex post facultas deliberatis [sic!] ob reverenciam Dei et bonum rei publice modo meliori ad empericos repellendos concludere vellet, eo attento, quod facultas prefata sit munita privilegiis sacri concilii, plurimorum dominorum Pataviensium et novissime imperiali privilegio littera pergaminea bene fulcita, quod nullus empericorum practicet, nisi doctor vel per facultatem ad practicandum admissus et prenominata die, facta congregacione facultatis, auditis appotecariis, facultas conclusit ut sequitur601.
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
