[21. Mai 1457] 21. die mensis eiusdem Magister civium nomine tocius consulatus vocavit omnes doctores ad consilium civitatis et omnes apotecarios et proposuit in presencia eorum plura: Primo quomodo multe venissent querele456 a nobilibus et ignobilibus de caristia fori appotecariorum et quomodo homines per eos graventur.

Secundo quod certi non bene dispensarent medicinas457 suas, sicut compertum est, quod aliqui receperunt tytimallum loco Turbit etc. Quare Magister civium debita cum instancia petivit facultatem, ut eligeret duos doctores, qui cum certis civibus et mercatoribus per consilium eligendis visitarent appotecas458 et ordinarent et conscriberent taxam omnium medicinarum simplicium et compositarum in appotecis venalium, quam appotecarii sufferre possent et infirmi, et electi sunt decanus et Mag. Iohannes de Kirchaim, de civibus Cristannus Wiesinger, Thomas Egkenperger, Iohannes Purkhausen et Egidius Pawm[an]; assumptus fuit Nicolaus Prutenus, qui eduxit pluribus annis appotecariis simplicia de Veneciis. [fol. 41v]459 Assumsimus460 eciam ad hoc semper unum vel duos de appotecariis et feria quarta ante festum Penthecostes incepimus visitare appotecas.