Current repository:
Universitätsarchiv Wien, Cod. Med 1.2 AFM 1436-1501
[18. Mai 1457] Die 18. mensis pretacti Magister civium vocavit omnes doctores et omnes appotecarios ad plenum consilium et ibi proposuit appotecariis, audientibus consiliariis448, quomodo449 venirent certe querele de taxa et foro ipsorum, in quibus infirmi preter solitum et contra equitatem gravarentur, quomodo eciam certas medicinas prohibitas loco electarum dispensarent, ut tytimallum loco Turbit etc.; propter quod consilium deliberasset recipere duos vel tres doctores medicine per facultatem eligendos, qui unacum certis consulibus et mercatoribus per ipsos eligendis facerent ordinacionem de foro et taxa appotecariorum, ne peramplius infirmi graventur; quod protunc eciam dominis doctoribus proposuit et instancia, qua valuit, petivit facultatem, ut cogitaret pro remedio oportuno, ne homines ulterius dampnarentur et gravarentur. Quod facultas promisit in consilio publico et propter hoc deliberavit habere congregacionem.
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
