Nos Wernhardus dei gracia ecclesioe Pataviensis episcopus tenore confitemur praesentium, quod pro reverentia gloriosae virginis Mariae et nostrae salutis augmento domum nostram Patavioe dudum emptionis titulo ad nos legitime devolutam, item duo jugera vinearum sita in Weinzierlesperg in der Laimgruben, quae comparavimus a venerabili in Christo fratre domino Witigone de Lobenstein canonico Pataviensi, item duas vineas in Gerhartstorff et unam vineam circa Niunburgam in Peusenberg, quas ex testamento bonae memoriae domini Henrici de Inne quondam venerabilis canonici Pataviensis et vicedomini nostri legitime sumus adepti, item vineam unam in Kolgraben circa Niunburgam, item vineam in Muggenthal, quam dedit nobis dominus Leutoldus miles de Chreuzbach, item demidiam domum in civitate Viennensi prope Scotos, item domum nostram in Niunburga, quas sumus emptionis titulo assecuti, donavimus, tradidimus, obtulimus novae plantationi nostrae in Engelhartszelle sic, ut fratres ibidem domino servituri de eisdem perpetuo sustententur, Investivimus etiam de praemissis domibus, vineis venerabilem in Christo fratrem dominum Conradum abbatem de Hilaria nomine praedictae ecclesiae in Engelhartszella et possessionem et proprietatem sibi assignavimus omnium praemissorum maxime cum prefata cella sibi filiationis titulo subjaceret. In cujus rei testimonium et perpetuam firmitatem presentes dedimus literas nostro sigillo munitas. Datum et actum Chrembsoe anno domini M.CC. nonagesimo quarto in nativitate beatae virginis.

Source Fulltext: OÖUB 6 (Wien 1872), Nr. 9 (Anhang), S. 582